وەزارەتی ناوخۆ: لە سەرەتای ڕێوڕەسمی چلەوە تائێستا نزیکەی 3 ملیۆن و 600 هەزار زیارەتکەت هاتوونەتە ناو وڵاتەوە

ناوخۆ

4-09-2023, 16:38

+A -A

بەغداد/ INA
ئەمڕۆ دووشەممە، وەزارەتی ناوخۆ ڕایگەیاند، لە سەرەتای ڕێوڕەسمی زیارەتکەرانی چلە ، نزیکەی 3 ملیۆن و 600 هەزار زیارەتکەر هاتوونەتە ناو وڵاتەوە.
لە بەیاننامەیەکی وەزارەتی ناوخۆ، کە بۆ ئاژانسی هەواڵی عێراقی (INA) ناردوویەتی، تێیدا هاتووە:- لیژنەی باڵای ئاسایش بە سەرۆکایەتی"عەبدولئەمیر شەمەری" وەزیری ناوخۆ،بەردەوامە لە دەستەبەرکردنی ئاسایش و ئەمنیەتی زیارەتکەرانی چلە، هەر لەدابەشکردنی هێزە ئەمنییەکانی بەرپرسی لەم ئەرکە لە سەرجەم ناوچەکانی زیارەتکەران و ئەو ڕێگایانەی کە سەردانکەران بەرەو کەربەلای پیرۆز دەرۆن.
بەیاننامەکەی وەزارەتی ناوخۆ ئاماژەی بەوەشکردوە:- لایەنە پەیوەندیدارەکان ئاسانکاری هاتنە ناوەوە بۆ سەردانکەران دەکات لە سەرجەم دەروازەکانی وڵات، لەهەر یەک لە (مونزریە و زورباتیە و شەیبە و شەلەمچە و سەفوان و مەندەلی و کەرکوک و قائیم و فرۆکەخانەکانی بەغداد و نەجەف و بەسرە)
بەیاننامەکە ئاشکراشیکرد:- ژمارەی هاتنی گەشتیاران لە سەرەتای هاتنی مەراسیمەکە گەیشتۆتە (3,587,959) زیارەتکەر.