دەستەی کەشناسی: پلەکانی گەرما بەرزبوونەوە و دابەزین بەخۆیەوە دەبێنێت

بەغداد/ INA
ئەمڕۆ دووشەممە،دەستەی کەشناسی ڕەوشی کەش و هەوای وڵاتی بۆ ڕۆژانی داهاتوو ئاشکرا کرد،کە  پێشبینی بەرزبوونەوەی پلەکانی گەرما دەکات.
لە ڕاگەیەندراوێکی دەستەکە، کە بۆ ئاژانسی هەواڵی عێراقی (INA) ناردویەتی، ئاماژەی بەوەکردووە:- کە بۆ سبەینێ سێشەممە، ڕەوشی کەش و هەوا لە ناوچەکانی ناوەڕاست و باشوور ئاسمان ساماڵ  و گەرم دەبێت، بەڵام  دۆخی کەشوهەوا لە ناوچەکانی باکوور ئاسایی دەبێت، و پلەکانی گەرما کەمێک بەرز دەبنەوە بەبەراوەرد بە  ڕۆژانئ پێشوو لە سەرتاسەری وڵاتدا.
ڕاگەیەندراوەکەدا ئاماژە بەوەشداوە:- کە ڕەوشی کەش و هەوای ڕۆژی چوارشەممە لە ناوچەکانی ناوەڕاست و باشوور ئاسمان ساماڵ و گەرم دەبێت، بەڵام لە  ناوچەکانی باکور ئاسایی دەبێت و  پلەکانی گەرماش هاوشێوەی ڕۆژی پێشوو دەبن لە سەرتاسەری وڵاتدا.
سەبارەت بە کەش و هەوای ڕۆژی پێنجشەممە،دەستەی کەشناسی ئەوەی خستۆتەروو :- کەدۆخی کەش و هەوا بەگشتی ئاسایی دەبێت، بەڵام پلەکانی گەرما لە ناوچەکانی ناوەڕاست و باکور بەبەراوەرد  بەرۆژانی پێشوو دادەبەزن، و  لە ناوچەکانی باشووری وڵاتیش هاوشێوەی ڕۆژانی پێشوو دەبێت.
لە درێژەی ڕاگەیەندراوەکەدا هاتووە: کە ڕەوشی کەشوهەوای وڵات بۆ هەینی داهاتوو ئاسایی دەبێت، هاوکات لە ناوچەکانی  ناوەڕاست و باکور پلەکانی گەرما کەمێک دادەبەزن.