سەرۆك وەزیران كۆمەڵێك ڕێنمایی سەبارەت بە پڕۆژەكانی موسەننا و بابل دەردەكات
سیاسی
- 28-08-2023, 21:15
بەغدا - INA
ئەمڕۆ دووشەممە محەممەد شیاع سودانی سەرۆكی ئەنجومەنی وەزیران بە سەرپەرشتی كۆبوونەوەیەك بۆ تاوتوێكردنی پڕۆژەكانی بودجەی پارێزگاكانی موسەننا و بابل.
نووسینگەی ڕاگەیاندنی سەرۆك وەزیران لە ڕاگەیەندراوێكدا كە بۆ ئاژانسی هەواڵی عێراقی (INA) ناردووە ڕایگەیاندووە: محەمەد شیاع سودانی سەرۆكی ئەنجومەنی وەزیران سەرپەرشتی كۆبوونەوەیەكی تایبەت بە تاوتوێكردنی پڕۆژە خزمەتگوزارییەكان و ژێرخانەكانی كرد كە بڕیارە لە چوارچێوەی بودجەی گشتی فیدراڵیدا تەواو بكرێن لە پارێ.گاكانی بابل و موسەننا، بە ئامادەبوونی وەزیرە پەیوەندیدارەكان و پارێزگار و بەڕێوەبەرانی خزمەتگوزاری و بەشە تایبەتمەندەكان لە هەردوو پارێزگاكەدا.
ئاماژەی بەوەشكرد : لە میانی كۆبوونەوەكەدا پێداچوونەوە بە پڕۆژە پلان بۆ داڕێژراوەكان كرا، هەروەها باس لە پێشینەی جێبەجێكردن كرا، بەو پێیەی سەرۆكی حكومەت ڕێنماییەكانی نوێكردەوە بۆ ئەوەی ئەولەویەت بدرێت بە پڕۆژەكانی ژێرخانی، بۆ ئەوەی دووربن لە یەكتربڕین لەگەڵ پڕۆژە خزمەتگوزارییەكانی دواتر، هەروەها بۆ دابینكردنی دارایی گرنگترینیان لەم پڕۆژانە بۆ ئەوەی هاوڵاتی دەست لەو خزمەتگوزارییە بدات كە بەوپەڕی چاوەڕوانییەوە چاوەڕێی دەكات، بەبێ ئەوەی تووشی كۆسپ بێت، دوابكەوێت یان دوابخات.
سەرۆك وەزیران ڕێنمایی كرد كە ئەولەویەت بدرێت بە بودجە بۆ ئەو پڕۆژانەی ژێرخانی كە ڕێگەیەكی دووریان بڕیوە لە تەواوكردندا، جەختی لەوە كردەوە پێویستی پابەندبوون بە كات و ماوەكانی جێبەجێكردن و دووركەوتنەوە لە دواكەوتن بەهۆی هۆكاری كارگێڕی یان تەكنیكی كە دەتوانرێت چارەسەر بكرێن.
لە ڕاگەیەندراوەكەدا ئاماژە بەوەشكراوە : لە میانەی كۆبوونەوەكەدا بڕیاردرا دەستبكرێ بە جێبەجێكردنی پێنج پڕۆژەی پاكوخاوێنی لە سنووری شاری سەماوە و باقی قەزا و ناحیەكانی پارێزگاكە، هاوكات تەرخانكراوەكانی پارێزگای بابل زۆربەی كەرتە خزمەتگوزارییەكانی گرتەوە بە پڕۆژەی پێشنیاركراوی لەسەر ئاستی ناوەندی پارێزگا و قەزا و ناحیەكان.
لە درێژەی قسەكانیدا كە سودانی جەختیكردەوە لەسەر پێویستی تەواوكردنی وێستگەكانی پاككردنەوەی ئاو كە ئێستا لە قۆناغی جێبەجێكردندان، لە زیاتر لە قەزا و ناحیەكانی پارێزگای بابل و دەستپێكردنی جێبەجێكردنی ئەو پڕۆژانەی تۆڕی ئاوەڕۆی ماونەتەوە.
