وەزارەتی ناوخۆ ڕێوشوێنی كەمكردنەوەی تاوانەكانی بازرگانیكردن بە مرۆڤەوە دەگرێتەبەر

ئەمنی

26-08-2023, 13:49

+A -A

بەغدا - INA- نەسار حاج
ئەمڕۆ شەممە وەزارەتی ناوخۆ پشتڕاستی كردەوە كە هاوكارییەكانی لەگەڵ نەخۆشخانەكان بەشداربووە لە كەمبوونەوەی تاوانەكانی بازرگانیكردن بە مرۆڤـ.
وتەبێژی وەزارەتەكە لیوا خالید موحەننا بە ئاژانسی هەواڵی عێراقی (INA)ی ڕاگەیاند: وەزارەتی ناوخۆ چەند ڕێكارێكی گرتۆتەبەر بۆ كەمكردنەوەی تاوانەكانی بازرگانیكردن بە مرۆڤەوە، لەوانە بەستنەوەی بەڕێوەبەرایەتی بەرەنگاربوونەوەی بازرگانیكردن بە مرۆڤەوە بە دەزگای هەواڵگرییەوە، كە سەركردایەتیی كرد بۆ زیادبوونی ڕێژەی ئۆپەراسیۆنەكانی و چالاكییە سەرنجڕاكێشەكانی هەبوو بۆ بەرەنگاربوونەوەی بازرگانیكردن بە مرۆڤەوە.
ئاماژەی بەوەشكرد: هەماهەنگی لەگەڵ ناوەندە تەندروستییەكان هەیە كە ئەم جۆرە چالاكییە ئەنجامدەدەن، وەك گۆڕین و چاندنی ئەندامەكانی مرۆڤـ، ڕوونیشیكردەوە هاوكاری لەگەڵ نەخۆشخانەكان بەشداربووە لە كەمكردنەوەی تاوانەكانی بازرگانیكردن بە مرۆڤـ.
موحەنا دووپاتی كردەوە: دەستگیركردنی چەتەكانی تایبەت بە تاوانەكانی بازرگانیكردن بە مرۆڤـ لە بەغدا و هەندێك لە پارێزگاكان و لە هەرێمی كوردستانیش بە هەمان شێوە.