سەرۆکی تۆڕی ڕاگەیاندنی عێڕاقی و وەزیری کارەبا لەسەر ئامادەکردنی پڕۆتۆکۆلێک بۆ هاوکاریکردن ڕێکدەکەون

ناوخۆ

22-08-2023, 19:53

+A -A

بەغداد/ INA

سەرۆکی تۆڕی ڕاگەیاندنی عێڕاقی دکتۆر نەبیل جاسم ئەمڕۆ ڕۆژی سێشەممە لەگەڵ وەزیری کارەبا زیاد عەلی فازڵ ڕێککەوت بۆ ئامادەکردنی پڕۆتۆکۆلێک بۆ هاوکاری هاوبەش لەنێوانیاندا.

بەیاننامەی وەزارەتی کارەبا کەدەست ئاژانسی هەواڵی عێڕاقی کەوت وتی وزیری کارەبا پێشوازیکرد لە سەرۆکی تۆڕی ڕاگەیاندنی عێڕاقی دکتۆر نبیل جاسم وهەردوولا ڕێککەوتن لەسەر ئامادەکردنی پڕۆتۆکۆلێک بۆ هاوکاری نێوان هەردوولا.

وەزیری کارەبا ڕۆڵی تۆڕی ڕاگەیاندنی بەسەرۆک و کەناڵ و وێستگەو ئاژانسەکانیەوە پێشکەشکرد بەتایبەتی ڕۆڵیان لە خستنەڕووی کۆششەکانی وەزارەت.

هەروەها ئاماژەیکرد بە ڕەسەنایەتی پەیامی ڕاگەیاندن کە تۆڕی ڕاگەیاندن پێشکەشی دەکەن کە بەسەرچاوەیەکی گرنگی هەواڵ هەژماردەکرێت.

لەلایەن خۆشیەوە سەرۆکی تۆڕی ڕاگەیاندن دکتۆر نبیل جاسم جەختیکردەوەسەر بارگرانی وەزارەتی کارەبا و بارستایی ئەوخزمەتگوزاریانەی پێشکەشیان دەکات بۆ خزمەتکردنی هاووڵاتیان ، ئاماژەشی بەوەکرد کە تۆڕی ڕاگەیاندن چاوی چاودێری و چاوساغیە بۆ کێشەو ئاریشەو ئاڵنگاریەکان کە پێویستە هاوکاربین بۆ چارەسەرکردنیان.

هەروەها لەمیانەی دیدارەکەدا باس لە شێوازەکانی هاوکاری نێوان وەزارەت و تۆڕی ڕاگەیاندن کرا بۆ خستنەڕووی دەستکەوتەکانی وەزارەتی کارەبا و هاندانی هاووڵاتیان بۆ باش بەکارهێنانی کارەباو و نەهێشتنی پێشێلکاریەکان و ئامادەکردنی فلیمی دیکۆمێنتاری و ڕاهێنانکردن بە فەرمانبەران لەڕووی کارگێڕی و میدیاییەوە.

وتیشی ئەم کۆششانە لەپێناو بەرجەستەکردنی بۆچوونەکانی سەرۆک وەزیران بەکاردەهێنرێت بۆ نوێکردنەوەی شێوازەکانی کارکردن ودوورکەوتنەوە لە شێوازە کۆنەکان و پێشکەشکردنی پێشنیازی ئەووتۆ کە واقعی خزمەتگوزاری دەزگاکانی جێبەجێکار باشتر بکات .