دادگای تاوانەکانی ڕەسافە سزای لەسێدارەدانی بەسەر بازرگانێکی مادەی هۆشبەردا سەپاند
ناوخۆ
- 21-08-2023, 14:28
بەغداد/ INA
ئەمڕۆ دووشەممە، دادگای تاوانەکانی ڕەسافە سزای لەسێدارەدانی بەسەر بازرگانێکی مادەی هۆشبەردا سەپاند.
لە بەیاننامەیەکی ئەنجومەنی باڵای دادوەری، کە بۆ ئاژانسی هەواڵی عێراقی (INA) ناردوویەتی، تێیدا هاتووە:- دادگای تاوانەکانی ڕەسافە سزای لەسێدارەدانی بەسەر بازرگانێکی ماددە هۆشبەردا سەپاند، بەهۆی تاوانی چاندنی مەریوانە لە ماڵەکەیدا کە ماددەیەکی هۆشبەر و قەدەغەکراوە .
وەک بەیاننامەکە رایگەیاندوە :- تاوانبارەکە لەسەربانی ماڵەکەیدا مادەی هۆشبەرەکەی چاندوە،کە بە مەبەست لێی بۆ بازرگانیکردن بووە.
ئەنجومەنی باڵای دادوەری لەبەیاننامەکەدا ئاشکراشیکردوە :- کە لەکاتی دەستگیرکردنی تاوانبار دەست بەسەر (750) گرام حەشیش و (900) گرامی دی لەماددەی هۆشبەری جۆری کریستاڵ دا گیراوە.
روونیشیکردۆتەوە :- کە بڕیارەکە بەپشت بەستن بوە بە بنەمای بڕگەکانی مادەی 27 / سێیەمی یاسای ماددە هۆشبەرەکانی ژمارە 50 ی ساڵی 2017 بووە.
