دەزگای هەواڵگری سەربازی لە ئەنبار دەست بەسەر زیاتر لە 6 هەزار حەب لە ماددەی هۆشبەر دادەگرێت
ئەمنی
- 21-08-2023, 12:03
بەغداد/ INA
ئەمڕۆ دووشەممە، بەڕێوەبەرایەتی هەواڵگری سەربازی دەستبەسەرداگرتنی زیاتر لە شەش هەزار حەبی لە مادەی هۆشبەری لە پارێزگای ئەنبار ڕاگەیاند.
لە بەیاننامەیەکی بەڕێوەبەرایەتییەکەدا ،کە بۆ ئاژانسی هەواڵی عێراقی (INA) ناردوویەتی، تیایدا ئاماژەی بەوە کردووە،لە ئۆپەراسیۆنێکی چالاکانە و هەوڵێکی هەواڵگریی بەرز، و بەپێی زانیارییە هەواڵگرییە دروستەکان، دەست بەسەر بڕێکی زۆر مادەی هۆشبەردا گیرا.
وەک بەیاننامەکە ئاماژەی پێداوە:- زیاتر لە 6 هەزار حەبی کاپتاگۆن دەستی بەسەردا گیراوە لە شێوەی 30 کیسەدا کە زیاتر لە 200 حەب لە هەر کیسەیەکی دابوو.
بەپێی بەیاننامەکە سەرجەم ئەو حەبانەی دەستیان بەسەردا گیراوە، ڕادەستی لایەنی پەیوەندیدار کراون و پەراوی لێکۆڵینەوەیان بۆ کراوەتەوە .
