حەلبوسی: پێویستە ژنان بخەینە ئەولەویەتەكانی كارنامەكەمانەوە

بەغدا -  INA
ئەمڕۆ شەممە محەمەد حەلبوسی سەرۆكی ئەنجوومەنی نوێنەرا جەختی لەسەر پێویستی پشتیوانیكردنی ژنان و دانانی لە ئەولەویەتەكانی كارنامەی نیشتمانی دەوڵەتدا كرد.
حەلبوسی لە میانەی ئاهەنگێكیدا بەبۆنەی ڕۆژی ئیسلامی بۆ نەهێشتنی توندوتیژی دژی ژنان لە خولی پازدەهەمی خۆیدا كە لەلایەن ڕەوتی حیكمەتی نیشتمانییەوە لە بەغدای پایتەخت بەڕێوەچوو و ئاژانسی هەواڵی عێراق (INA) ئامادەی بوو و ووتی : ئێمە ئەمڕۆ لێرەین بۆ ئاڵوگۆڕی بیرۆكە و هاوكاریكردن لەپێناو دابینكردنی هەلومەرجی باشتر بۆ واقیعێكی ئافرەتان لە كۆمەڵگەی عێراقیدا.
ئاماژەی بەوەكرد :مەسەلەی دڵنیاكردنەوەیەكە دیاردەی توندوتیژی دژ بە ژنان كارێكی سەڕزەنشتكراو و شەرمەزاركەرە كە كۆمەڵگاكەمان بە سوكایەتییەوە سەیری دەكات، هەرجارێكیش ڕوودەدات كاری دەستبەجێ و پتەوی لەگەڵدایە لەلایەن هەموو دامەزراوە و تاكەكانی كۆمەڵگاوە.
ناوبراو لە درێژەی قسەكانیدا وتی: ئێمە بە تەواوی ئاگاداری ئەو تەحەددای و گرفتانەین كە ژنان ڕووبەڕووی دەبنەوە لەبەر ڕۆشنایی هەلومەرجی ئێستا، هەروەها ئاگادارین كە كۆمەڵێك هەلومەرج بەشداربوون لە گەشەسەندنی ترسناكی دیاردەكە و لە جددیترین هۆكارەكانیشدایە واقیعی ئابوورییە لە لایەك و پەرەسەندنی پەتای بەكارهێنانی ماددە هۆشبەرەكان لە لایەكی ترەوە، كە پێویستی بە كردەوەی بەكۆمەڵ و هۆشیارانە و جددی هەیە و  هاوكاری نێوان هەموو كەرتە كۆمەڵایەتی و حكومی و مەدەنییەكان بۆ بەرەنگاربوونەوەی ئەم دیاردە شەرمەزارییە كە ئێمە دەخاتە ڕوو لە دڵی بەرپرسیارێتی كۆمەڵایەتی و ئەخلاقی و یاساییدا بۆ ئەوەی ژنان بخەینە ئەولەویەتەكانی كارنامەی نیشتمانیمانەوە.
جەختیشی كردەوە كە هێزە سیاسی و كۆمەڵایەتی و ئایینی و ڕۆشنبیرییەكان لە عێراق ئەركی یەكێتی لە ڕووبەڕووبوونەوەی ئەم دیاردەیە لە ئەستۆ دەگرن بۆ ئەوەی پاڵپشتی و هاوكاری پێشكەش بە حكومەت بكەن تا ڕێوشوێنی بەهێز بگرێتەبەر بۆ جێبەجێكردنی یاساكانی پەیوەست بە مافەكانی ژنان لە سەر زەوی و كار لەسەر داڕشتنی یاسا و هەمواركردنی پێویست بكەن بۆ ئەوەی بتوانن ئەركە نیشتمانییەكانیان لە كۆمەڵگادا ئەنجام بدەن.
دووپاتیشی كردەوە : ئەنجوومەنی نوێنەران ئامادەیی تەواو بۆ پەسەندكردنی ئەو یاسا و هەمواركردنەوەیانە كە خزمەتی ئەم ئامانجە دەكەن و بەرژەوەندی گشتی تاك و كۆمەڵگە بەدیبهێنن.