دیوانیە ناوەڕۆكی پلانی ئەمنی و خزمەتگوزاری و تەندروستی بۆ سەردانی چلە ئاشكرادەكات
ئەمنی
- 16-08-2023, 18:45
بەغداد - INAـ سیفات عەزاوی
ئەمڕۆ چوارشەممە، حكومەتی خۆجێیەتی لە پارێزگای دیوانیە ناوەڕۆكی پلانی ئەمنی و خزمەتگوزاری و تەندروستی بۆ سەردانی چلە ئاشكراكرد.
پارێزگاری دیوانیە مەیسەم عەبدولئیلا شەهد بە ئاژانسی هەواڵی عێراقی ڕاگەیاند: پارێزگاكە بۆ پاراستنی كاروانەكانی حسێنی و سەردانیكەرانی پارێزگاكە لە كاتی سەردانەكەدا بەسەر نۆ تەوەری سەرەكیدا دابەشكراون، و وتیشی: پلانەكە خزمەتگوزارییە ئەمنییەكان و هەواڵگری و دەستەی حەشدی شەعبی لەخۆدەگرێت، كە تێیدا خاڵەكانی پشكنین لەسەر ڕێگا سەرەكییەكان دادەنرێت.
ئاماژەی بەوەشكرد: تیمی تایبەت پێكهێنراوە بۆ دابینكردنی پێویستەكان، لەوانە بارهەڵگر، دابەشكردنی ئاوی خواردنەوە، ئامێری شارەوانی بۆ لابردنی پاشماوە، دابەشكردنی كۆنتێنەر بەسەر كاروانەكانی حسێنییە.
رونیشیكردەوە: بەڕێوەبەرایەتی تەندروستی دیوانیە ڕاسپێردراوە كە مەفرەزە پزیشكییەكان بڵاوبكاتەوە بۆ دابینكردنی چارەسەری پێویست و كردنەوەی هۆڵی نوێ بۆ وەرگرتنی حاڵەتی فریاگوزاری.
