سەرۆک کۆمار و ڕاوێژکاری ئاسایشی نیشتیمانی جەخت لە سەر پێویستی چەسپاندنی ئاسایش و پێکەوە ژیانی ئاشتیانە دەکەنەوە
سیاسی
- 14-08-2023, 14:53
بەغداد/INA
ئەمڕۆ یەکشەممە"دکتۆر لەتیف جەمال ڕەشید"سەرۆک کۆمار،لە کۆشکی بەغدا، پێشوازیکرد لە " قاسم ئەعرەجی "ڕاوێژکاری ئاسایشی نیشتمانی.
لەبەیاننامەیەکی نوسینگەی راگەیاندنی سەرۆک کۆمار کە بۆ ئاژانسی هەواڵی عێراقی (INA)ناردوویەتی ، تیایدا رایگەیاندوە :- لە دیداری سەرۆک کۆمار و راوێژکاری ئاسایشی نیشتیمانی تاوتوێی بارودۆخی سیاسی و ئەمنی وڵات کرا و جەختیش لە پێویستی بەرجەستەکردنی ئاسایش و پێکەوەژیانی ئاشتییانەی نێوان هەموو پێکهاتەکانی عێراق و فەراهەمکردنی سەلامەتی هاونیشتمانیان و پاراستنی ماف و بەرژەوەندییەکانیان کرایەوە.
بەیاننامەکەی نوسینگەی سەرۆک کۆمار ئاماژەی بەوەشداوە :- هەر لە دیدارەکەدا باس لە دۆسێی ئاوارەکان و پێویستی کارکردن کرا بۆ کۆتایی هێنان بە دۆخی مرۆیی سەختیان و ڕەخساندنی ڕەوشێکی ئارام و دابینکردنی پێداویستییەکانیان و گەڕانەوەیان بۆ ناوچەکانی نیشتەجێبوونیان .
