پێكهێنانی لیژنەیەكی هاوبەش لە نێوان عێراق و(UN) بۆ بەدواداچوون بە ئامانجەكانی گەشەپێدانی بەردەوام
ئابوری
- 13-08-2023, 14:01
بەغدا - INA
ئەمڕۆ یەكشەممە جێگری سەرۆك وەزیران و وەزیری پلاندانان محەمەد عەلی تەمیم لەگەڵ جێگری نوێنەری تایبەتی سكرتێری گشتی نەتەوە یەكگرتووەكان لە عێراق غولام ئیسحاق زای ڕێككەوتن بۆ پێكهێنانی لیژنەیەكی هاوبەش بۆ بەدواداچوونی كارەكان لە بواری گەیشتن بە ئامانجەكانی گەشەپێدانی بەردەوام.
لە ڕاگەیەندراوێكی وەزارەتی پلاندانان كە بۆ ئاژانسی هەواڵی عێراقی (INA) ناردووە تێیدا هاتووە : محەممەد عەلی تەمیم جێگری سەرۆك وەزیران و وەزیری پلاندانان پێشوازی لە جێگری نوێنەری تایبەتی ئەمینداری گشتی نەتەوە یەكگرتووەكان لە عێراق غولام ئیسحاق زی و شاندی یاوەری كرد
لە ڕاگەیەندراوەكەدا ئاماژە بەوەشكراوە : لە كۆبوونەوەكەدا شایەتحاڵی گفتوگۆكردن بوو لەسەر كۆمەڵێك بابەتی پەیوەست بە هاوكاری هاوبەشی نێوان عێراق و ڕێكخراوەكانی نەتەوە یەكگرتووەكان، بەتایبەتی سەبارەت بە ئامادەكردنی ستراتیژییەك بۆ كردەوەی هاوبەش بۆ پێنج ساڵی داهاتوو، گواستنەوەی پاڵپشتی نێودەوڵەتی بۆ عێراق بەرەو بەرنامەكانی گەشەپێدان و پاڵپشتیكردنی ئەولەویەتەكانی حكومەتی عێراق كە لە پێش هەموویان ڕووبەڕووبوونەوەیە و كاریگەرییەكانی گۆڕانی كەشوهەوا، دابینكردنی ئاوی خواردنەوە و گەیشتن بە گەشەپێدانی گوندەكان، جگە لە تاوتوێكردنی مەلەفی ئاوارەكان و ڕێوشوێنەكانی حكومەت بۆ بە تەواوی چارەسەری بكە.
ناوبراو ووتیشی: هەروەها هەردوولا باسیان لە ئامادەكارییەكانی عێراق كرد بۆ بەشداریكردن لە كۆڕبەندی سیاسی باڵای نەتەوە یەكگرتووەكان سەبارەت بە ئامانجەكانی گەشەپێدانی بەردەوام كە لە مانگی ئەیلولی داهاتوو لە نیویۆرك بەڕێوەدەچێت.
ئاماژەی بەوەشكرد : هەردوولا ڕێككەوتوون لەسەر پێكهێنانی لیژنەیەكی هاوبەش بۆ بەدواداچوونی كارەكان لە بواری گەیشتن بە ئامانجەكانی گەشەپێدانی بەردەوام، هەروەها ئەنجامدانی وۆرك شۆپێكی فراوانكراو بە بەشداری دەسەڵاتدارانی عێراق بۆ تاوتوێكردنی چوارچێوەی گشتی و وردەكارییەكانی ئەو هاوبەشە و ستراتیژی كردەوەی نێوان عێراق و نەتەوە یەكگرتووەكان.
