وەزارەتی ناوخۆ هەڵمەتی گەڕان بەدوای چەكی بێ مۆڵەت لە بەغداد ئەنجام دەدات
ئەمنی
- 10-08-2023, 22:13
بەغداد- INA
ئەمڕۆ پێنجشەممە، وەزارەتی ناوخۆ جێبەجێكردنی هەڵمەتی گەڕان و پشكنینی بۆ چەكی بێ مۆڵەت لە ناوچەكانی ناحیەی وەحدە و كۆمەڵگەی ئیحسان و پردی دیالە لە بەغدادی پایتەخت ڕاگەیاند.
وەزارەت لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: لەچوارچێوەی هەوڵە ئەمنییە بەردەوامەكانی یەكەكانی پۆلیسی فیدراڵی بە ئامانجی سنورداركردنی چەك لە دەستی دەوڵەتدا بە مەبەستی دڵنیابوون لە ئاسایش و سەلامەتی هاووڵاتیان، یەكەكانی فیرقەی یەكەمی پۆلیسی فیدراڵی هەڵمەتی گەڕانیان ئەنجامدا بۆ دۆزینەوەی چەكی بێ مۆڵەت لە ناوچەكانی (ناحیەی وەحدە، كۆمەڵگەی ئیحسان، پردی دیالە).
لە بەیاننامەكەدا ئاماژە بەوەشكراوە: لە ئەنجامی پشكنینەكەدا 21 تفەنگی جۆری جیاواز و دوو دەمانچە و 6 مەخزەنی تفەنگ و 15 گوللەی تفەنگی كڵاشینكۆف دۆزراوەتەوە و سەرجەم كەرەستەكانیش دەستیان بەسەردا گیراوە و بە شێوەیەكی دروست مامەڵەیان لەگەڵدا كراوە.
