نووسینگەی ڕاگەیاندنی سەرۆک وەزیران : بەشەکانی نەخۆشخانەی حکیم 20 پسپۆڕێتی لەخۆدەگرێت
سیاسی
- 10-08-2023, 13:31
بەغداد/ INA
نووسینگەی ڕاگەیاندنی سەرۆک وەزیران ئەمڕۆ ڕۆژی پێنجشەممە ڕایگەیاند کە نەخۆشخانەی فێرکاری لەمیسان 20 پسپۆڕێتی لەخۆدەگرێت.
نووسینگەی ڕاگەیاندن لەبەیاننامەیەکدا کەدەست ئاژانسی هەواڵی عێڕاقی کەوت وتی سەرۆک وەزیران محمد شیاع سودانی ئەمڕۆ سەرلەبەیانی نەخۆشخانەی حکیمی فێرکاری لەشاری عیماڕە کردەوە کە 492 قەڕەوێڵە دەگرێتە خۆ .
بەیاننامەکە ئاماژەشی بەوەکرد کە ئەم کردنەوەیە لە بەرنامەی حکومەتدا هەیە بۆ پەڕەپێدانی کەرتی تەندروستی لەسەرجەم پارێزگاکاندا.
وتیشی پڕۆژەکە بەرەوڕووی چەندین ئاستەنگ بووەوە بەڵام بەفەرمانی سەرۆک وەزیران تەواوکرا.
هەروەها وتی کە نەخۆشخانەکە 20 پسپۆڕێتی و 17هۆدەی نەشتەرگەری وسەنتەرێکی دیلزە و بەشێکی دیکە بۆ چارەسەری شێرپەنجە و نەشتەری قەستەڕەو نەخۆشیەکانی دڵ لەخۆدەگرێت ، جگەلە بەشێکی گەورە بۆ فریاکەوتن و سووتان و نۆرینگەی ڕاوێژکاری کەلەنەخۆشخانەکەدا هەن.
