باڵیۆزخانەی بەریتانیا لە بەغداد میوانداری 50 منداڵی كەمپی ئاوارەكان دەكات
- 1-05-2018, 00:00
بەغداد – ا ه ع باڵیۆزخانەی بەریتانیا لە بەغداد، ئەمرۆ سێ شەممە، رایگەیاند لەماوەی هەفتەی رابردوودا میوانداری زیاتر لە 50 منداڵیان كردوە كە لە كەمپی ئاوارەكان دەژین و ماوەی رۆژێكیان بە چەندین یاری جۆراوجۆر و وەرزش لەلایان بەسەر بردووە. لە بەیاننامەیەكدا كە وێنەیەكی بۆ ئاژانسی هەواڵی عێراقییە (ا ه ع) نێردراوە، باڵیۆزخانەی بەریتانیا رایگەیاند:" لە هەفتەی رابردوودا پێشوازییان لە 50 منداڵی كەمپی ئاوارەكانی چواردەوری بەغداد كردوە بۆ ئەوەی ماوەی رۆژێك چەندین وەرزش و یاری جۆراوجۆر بكەن، دەشڵێت لە كاتێكدا كە ئەو منداڵانە چەند خۆشحاڵ بوون بەو یارییانە، ئەوانیش خۆشحاڵبوون بەو كاتەی لەگەڵ ئەو منداڵانە بەسەریان بردووە".
