دوو تیرۆریست و 15 تۆمەتبار بە دۆسیەی یاسایی جیاواز لە چەند پارێزگایەک دەستگیرکران
ئەمنی
- 7-08-2023, 15:28
بەغداد/ INA
ئەمڕۆ دووشەممە، بەڕێوبەرایەتی هەواڵگری سەربازی دەستگیرکردنی دوو تیرۆریست و 15 تۆمەتباری دیکەی بە دۆسیەی جیاوازی یاسایی لە چەند پارێزگایەک ڕاگەیاند.
بەڕێوبەرایەتییەکە،لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی، ڕایگەیاندووە:- لە ئۆپەراسیۆنیکی جیاواز و هەوڵی یەکلاکەرەوەدا و بە پشت بەستن بە زانیاری هەواڵگریی دروست،هێزەکانی بەڕێوەبەرایەتی هەواڵگری سەربازی، و بە هاوکاری هێزە ئەمنییەکان لە چەند بۆسیەک کە لە هەندێک ناوچەی جیاوازی پارێزگاکانی (بەغدا و نەینەوا و ئەنبار و سەڵاحەدین) دانرا،لە ئەنجامدا دوو تیرۆریستی داواکراو لەلایەن دەسەڵاتی دادوەرییەوە بەپێی بڕگەکانی مادەی چوارەمی یاسای رووبەرووبونەوەی تیرۆر لە قەزای تەلەعفەر دەستگیرکران،هەروەها (١٥) تۆمەتباری دی بە دۆسیەی یاسایی جۆراوجۆر لە قەزای قائیم و فەلوجە و ناحیەی حەمام عەلیل و حەمدانیە دەستگیرکران.
بەیاننامەکەی بەڕێوبەرایەتی هەواڵگری سەربازی ئاماژەی بەوەشکردووە:- تۆمەتباران ڕادەستی دەسەڵاتدارانی داواکار کراون ، بۆ لێپێچینەوە و وەرگرتنی سزای خۆیان.
