سودانی: زۆرێک لە سەرکردە و بەرپرسە باڵاکان بە پێی تێگەیشتنێکی سیاسی هەڵە گەیشتوونەتە ئەو پۆستانە
سیاسی
- 7-08-2023, 14:28
بەغداد/ INA
ئەمڕۆ دووشەممە"محەممەد شیاع سودانی" سەرۆک وەزیرانی،رایگەیاند :- کە زۆرێک لە سەرکردە سیاسیەکان و بەرپرسە باڵاکان بە پێی تێگەیشتنێکی سیاسی هەڵە گەیشتونەتە پۆستی باڵا، ئاماژە بەوەشدەکات کە کوالیتی و گرنگیدان بە هەندێک جومگە لە گرنگترین ئەولەویەتەکانی پەیمانگای باڵایە .
سەرۆکی ئەنجومەنی وەزیران لە وتارێکدا لە میانی مەراسیمی کردنەوەی پەیمانگای باڵا و کە ئاژانسی هەواڵی عێراقی (INA) رووماڵی کرد ، ڕایگەیاند:- ئەو هەوڵانە بەرز دەنرخێنین کە دراون بۆ ئامادەکردنی مەرجەکانی کردنەوەی پەیمانگای باڵا بۆ ئامادەکردن و پێگەیاندنی سەرکردەکان.
ڕاشیگەیاند:- کە جێبەجێکردنی ئەولەویەتەکانی بەرنامەی حکومەت پێویستی بە ئامرازی کاریگەر و داهێنەرانە هەیە بۆ پێشکەشکردنی خزمەتگوزاری.
ئەوەشی خستەروو :- کە گرنگە هەماهەنگی هەبێت لەگەڵ پەیمانگاکانی دیکە کە لەم بوارەدا کاردەکەن، بەو پێیەی کوالیتی و گرنگیدان بە هەندێک جومگە یەکێکە لە گرنگترین ئەولەویەتەکانی پەیمانگاکە.
"سودانی"جەختی لەوە کردەوە:- کە ئەوەی پێویستە لە هەڵبژاردنەکاندا لە پەیمانگاکەدا ملکەچی خزمایەتی نەبێت، هەروەها هەڵبژاردنی سەرکردە و فەرمانبەران دەبێت بەپێی پێوەرەکانی دەستپاکی و لێهاتوویی بێت.
تەئکیدیشی لە گرنگی هەبوونی ئەولەویەت لە هەڵبژاردنی بابەت و جومگە گرنگەکان، و وەزارەتەکان کە ڕووکاری دەوڵەتن لە هەندێک مەلەفدا کردەوە،لە پێویستی ئەوەی پەیمانگاکە لەگەڵ دامەزراوەکانی دیکەدا یەکتر نەبڕێت.
ووتیشی :- زۆرێک لە سەرکردەکان و بەرپرسانی باڵا بەپێی تێگەیشتنێکی سیاسی هەڵە گەیشتوونەتە ئەو پۆستانە ، هەروەک ووتیشی :- سیستەمی پشک پشکێنە بەجۆرێک پەرەی سەندووە کە زیانی بە دامەزراوەکانی دەوڵەت گەیاندوە ،لەو روانگەیەشەوە زۆرێک لە پڕۆژەکان بەهۆی بوونی ئیدارەی ناشایستە دواکەوتوون .
