غەزی: پەیمانگای باڵا بۆ ئامادەکردن و پێگەیاندنی سەرکردە پێشەنگ دەبێت لە پێشکەشکردنی بەرنامەکانی
سیاسی
- 7-08-2023, 14:18
بەغداد/ INA
ئەمڕۆ دووشەممە"حەمید غەزی" ئەمینداری گشتی ئەمینداریەتی ئەنجوومەنی وەزیران،پشتڕاستی کردەوە کە پەیمانگای باڵا بۆ ئامادەکردن و راهێنانی سەرکردە پێشەنگ دەبێت لە پێشکەشکردنی بەرنامەی ئاست بەرز .
"غەزی"لە میانی مەراسیمی کردنەوەی پەیمانگای باڵادا،کە ئاژانسی هەواڵی عێراقی (INA) بەدواداچونی بۆ کردوە،ڕایگەیاند:- کردنەوەی پەیمانگای باڵا بۆ پەرەپێدانی راژەو میلاکاتە بە لێهاتووی و پێویستی.
ئاماژەی بەوەشکرد کە پەیمانگاکانی ڕاهێنان لە گرنگترین هەنگاوەکانن بۆ پێشخستنی دامەزراوەکان.
ووتیشی:- کردنەوەی پەیمانگای باڵا هەنگاوێکی باشە بۆ دۆزینەوەی بەهرەمەندەکان و پاڵنەر دەبێت بۆ فێرخوازان بۆ دۆزینەوە و پەرەپێدانی تواناکانیان،جگە لەوەی ئامرازی ستراتیژییان بۆ دابین دەکات.
راشیگەیاند:کە پەیمانگای باڵا بۆ پەرەپێدانی سەرکردایەتی پێشەنگ دەبێت لە پێشکەشکردنی بەرنامەی جیاواز،جەختی لە پەرۆشی جێبەجێکردنی ئەم هەنگاوە کردەوە.
ئەوەشی خستەروو :- کە ئەم پەیمانگایە هەنگاوێکی نوێیە لە بنیاتنانی تواناکان لەنێو سەرکردەکان و دۆزینەوە و پەرەپێدانی بەهرەمەندەکان، هەروەک پەیمانگاکە بەرنامەی پێویست پێشکەش دەکات بۆ پەرەپێدانی ئەدای کارکردنی ستافی پێشکەوتوو.
"غەزی" داوای کرد کە بە شێوەیەکی کاریگەر بەشداری لەم تاقیکردنەوەدا بکەن و بزانن کە "زانین و پەروەردە بنەمای هێز و گەشەسەندن و پەیمانگاکەش بەشداری دەکات لە بنیاتنانی سەرکردەی پێشکەوتوو.
