سەرۆکی دەستەی وەبەرهێنان: بەغدا و هەرێم ئامادەکاری دەکەن بۆ ئەنجامدانی کۆڕبه‌ندێكی وەبەرهێنانی ئومێدبەخش
ئابوری
- 7-08-2023, 08:34
به‌غداـINA
حەیدەر محەمەد مەکیە سەرۆکی ده‌سته‌ی نیشتمانی بۆ وەبەرهێنان دووپاتی کردەوە کە بەغدا و هەرێمی کوردستان ئامادەکاری دەکەن بۆ ئەنجامدانی کۆڕبه‌ندێکی وەبەرهێنانی ئومێدبەخش.
وتەبێژی فەرمی ده‌سته‌ی نیشتمانی بۆ وه‌به‌رهێنان، موسه‌ننا ئەلغانمی لەڕاگه‌یێندراوێکدا کە بۆ ئاژانسی هەواڵی عێراقی (INA) ناردووە، ڕایگەیاندووه" شاندێکی ده‌سته‌ی نیشتمانی بۆ وەبەرهێنان، بەسەرۆکایەتیی سەرۆکی ده‌سته حەیدەر محەمەد مەکیە، سەردانی ده‌سته‌ی وەبەرهێنانی لە هەرێمی کوردستان كرد و بە ئامادەبوونی ستافی پێشکەوتوو لەگەڵ سەرۆکی ده‌سته د.محەمەد شوکری کۆبووەوە”.
ئاماژەی بەوەشکرد، ئامانج لە سەردانەکەی شاندی ده‌سته‌ی نیشتمانی دوانەکردنی کاری وەبەرهێنان و ئابووری و هاوکاری هاوبەشی نێوان هەردوو ده‌سته‌یه و ئاڵوگۆڕی بیروڕا لەسەر یاسا و ڕێنماییەکانی پەیوەست بە وەبەرهێنان، و میکانیزمەکانی دابینکردنی ژینگەیه‌كی ئابوورییەکی سەرنجڕاکێشه بۆ کۆمپانیاکان و وەبەرهێنەرانی ناوخۆیی لە هەرێم له‌دوای پێداچوونەوە و لێکۆڵینەوە لەو دەرفەتانەی لەبەردەستی دەستەی وەبەرهێنانه لە هەرێمی کوردستان.
هه‌روه‌ها راگه‌یاند" لە کۆبوونەوەکەدا باس لە گرنگی هەماهەنگی و هاوکاریی دوولایەنە کرا بەمەبەستی كرانه‌وه‌ی مامەڵەکردن لەگەڵ وەبەرهێنەرانی ناوخۆیی لەناو هەرێم و جێبەجێکردنی پڕۆژەی گرنگ لە کەرتەکانی گەشتیاری و بازرگانی و پیشەسازیدا"، ئاماژەی بەوەشکرد کە "ده‌سته‌ی نیشتمانی وەبەرهێنان دیدگایەک بۆ دروستکردنی کەیسێکی بازرگانی هاوبەش هه‌یه کە ڕێگە بە وەبەرهێنەرانی پارێزگا جیاوازەکان بدات داواکاری پێشکەش بکەن بۆ دەرفەتەکان لەناو هەرێمدا و جێبەجێی بکەن، ئەمەش ڕەنگدانەوەی ئەرێنی دەبێت لەسەر ئابووری نیشتمانی و دەرفه‌تێكیش ده‌بێت بۆ هەلی کار زیاتر.
ئەلغانمی وتی" سەرۆکی ده‌سته‌ی نیشتمانی بۆ وەبەرهێنان، حەیدەر محەمەد مەکیە، جەختی لەسەر ناوەندی هاوبەشی ستراتیژی نێوان بەغدا و هەرێم كرده‌وه لە ڕووی وەبەرهێنان و پڕۆژەی پێشەنگ لە کەرتەکانی نیشتەجێبوون، گەشتوگوزار، بازرگانی و پیشەسازی، و کە ده‌سته‌كانی نیشتمانی لە بەغدا و هەولێر ئامادەکاریی سەرەتایی ده‌كه‌ن بۆ ئەنجامدانی کۆڕبه‌ندێکی وەبەرهێنانی ئومێدبەخش بۆ خستنەڕووی دەرفەتی به‌رده‌ست لە هەرێم و پارێزگاکان." و لێکۆڵینەوەیان لە ڕووی شوێنەکان و ناوچەکان و جۆری چالاکییەکان و ڕەزامەندییە یاساییەکانی پەیوەست بەهەر پڕۆژەیەک.
لای خۆیەوە د. محەمەد شوکری سەرۆکی دەستەی وەبەرهێنان لە هەرێمی کوردستان، پێزانینی خۆی بۆ دەستپێشخەریی ده‌سته‌ی نیشتمانی وەبەرهێنان، بە سه‌رۆكایه‌تی حەیدەر محەمەد مەکیه سەرۆکی دەستە ده‌بڕی، لە به‌هێزكردنی پەیوەندییەکانی وەبەرهێنان بە شێوەیەک کە خزمەت بە بەرژەوەندییەکان لە عێراق و گەشەسەندنەکەی بکات و بگه‌یێنێت به‌ئاستی ئابووری وڵاتانی پێشکەوتوو، وجەختیش لەسەر ئامادەیی ده‌سته‌ی وه‌به‌رهێنانی هه‌رێمی كوردستان کردەوە بۆ مامەڵەکردنی جددی لەگەڵ کۆمپانیا و وەبەرهێنەران به‌پێی ئه‌و یاسا و ڕێساکان كه‌ڕێگەیان پێدراوە.
