وەزارەتی تەندروستی نەشتەرگەری درێژکردنی بەژن و باڵا بەمەبەستی جوانکاری قەدەغە دەکات
ناوخۆ
- 31-07-2023, 20:46
هەولێر ـ INA
وەزارەتی تەندروستی حکومەتی هەرێمی کوردستان ئەنجامدانی نەشتەرگەری بۆ دڕێژکردنی باڵا بەمەبەستی جوانکاری قەدەدەکات.
نووسینگەی ڕاگەیاندنی وەزارەتی تەندروستی لەڕاگەیێندراوێکدا کەبۆ ئاژانسی هەواڵی عێراقی ناردووە ڕاگەیاندووە"وەزارەت لێژنەیەکی پسپۆڕی ڕاوێژکاری زانستی پێکهێناوە بۆ دیاریکردنی ڕێنمایی و بەڵگە زانستیەکانی بەکارهێنانی دەزگای جێگیرکردنی دەرەکی بازنەیی (ئیلیزارۆف Ilizarov بۆ ئەنجامدانی نەشتەرگەری ئێسک.
نابێت هیچ پزیشکێک یان نەخۆشخانەیەک ئەم نەشتەرگەریە ئەنجام بدات تەنها بەمەبەستی چارەسەری کێشەوگرفتی تەندروستی و بەڵگەداری زانستی دەبێت، بۆ درێژکردنی بەژن و باڵا بەمەبەستی جوانکاری قەدەغەیە.
هەروەها هاوڵاتیانی هەرێمی کوردستان ئاگادار دەکاتەوە کە پێویستە هۆشیاربن و خۆیان دوور بگرن لە ترسناکی ئەگەرە ئاڵۆەکانی ئەم نەشتەرگەریە، چونکە تا ئێستا هیچ سەنتەرێک یان ڕێگەپێدانی فەرمی بۆ ئەم جۆرە نەشتەرگەریانە نییە.
