لەسەر پرسی ئاو لیژنەیەکی پەرلەمان دوو وادە بۆ میوانداریکردنی باڵیۆزی تورکیا دیاری دەکات
سیاسی
- 31-07-2023, 15:24
بەغداد/INA
ئەمڕۆ دووشەممە، لیژنەی کشتوکاڵ و سەرچاوەی ئاو و ئەهوارەکان ، لەئەنجومەنی نوێنەران دوو وادەی بۆ میوانداریکردنی باڵیۆزی تورکیا لە بەغدا دیاریکرد، بۆ تاوتوێکردنی مەلەفی سەرچاوەکانی ئاو و دۆخی کشتوکاڵ.
"فالح خەزعەلی " سەرۆکی لیژنەکە،بە ئاژانسی هەواڵی عێراقی (INA)ی ڕاگەیاند: لیژنەی کشتوکاڵ و سەرچاوەکانی ئاو و ئەهوارەکان لە پەرلەمانی عێراق میوانداری باڵیۆزی تورکیا دەکات بۆ تاوتوێکردنی چەند بابەتێک و هەماهەنگی لەنێوان هەردوولا.
ئاماژەی بەوەشکرد:- لیژنەکە نامەیەکی ئاراستەی وەزارەتی دەرەوە کردوە بۆ ئەوەی میوانداری باڵیۆزی تورکیا بکات بۆ گفتوگۆکردن لەسەر کەرتی کشتوکاڵ و دۆخی ئاو.
"خەزعەلی " روونیشیکردەوە بانگهێشتکردنی باڵیۆزی تورکیا بۆ لیژنەی پەرلەمان لەڕووی دەستوورییەوە رێگەپێدراوە، بەو پێیەی ئەنجومەنی نوێنەران دەسەڵاتێکی یاسادانانە و میوانداریکردن بە ئامانجی هاوکاری و هاوبەشیە لە نێوان عێراق و تورکیا.
ئاشکراشیکرد:- پەیوەندی و هاوبەشی لەنێوان عێراق و تورکیادا هەیە و ئەو دوو وڵاتە دەتوان بەم شێوەیە گفتوگۆ و کۆبوونەوەی ڕاستەوخۆ لە سەر کێشەکاندا ئەنجام بدەن و چارەسەریان بکەن.
ووتیشی :- لیژنەکە داواکەی بۆ وەزارەتی دەرەوەی ناردووە ،دوو وادەی دیاریکردووە بۆ میوانداریکردنی باڵیۆزی تورکیا و چاوەڕێی وەڵامی باڵیۆز دەکەین لەسەر وادەکە.
