کۆمەڵەی بانکەکان ئەو ڕێوشوێنانە ئاشکرا دەکات کە دەبێتە هۆی دابەزینی بەردەوامی نرخی دۆلار

ئابوری

30-07-2023, 22:06

+A -A

بەغداد/ INA

ئەمڕۆ یەکشەممە "سەمیر نەسیری" ڕاوێژکاری کۆمەڵەی بانکە ئەهلیەکانی عێراق، دووپاتیکردەوە،کە بەرزبوونەوەی نرخی دۆلار بەرامبەر بە دینار لە بازاڕی ڕەشدا کاتییە، ونرخەکەی دەگەڕێتەوە بۆ ڕێژەی نرخی دیاریکراوی بانکی ناوەندی عێراق.

"نەسیری " بە ئاژانسی هەواڵی عێراقی (INA)ی ڕاگەیاند: یەکێک لە هۆکارە دیارەکانی بەرزبوونەوەی نرخی دۆلار،هەواڵی بێبەشکردنی 14 بانکە لە مامەڵەکردن بە دۆلاری ئەمریکی،هەروەها هەندێک لە دەزگاکانی ڕاگەیاندن و شرۆڤەکاران بە زیادەڕەویکردن لە داتا و زانیاری ناڕاستەکان جۆرێک لە ناتەواوی و سەرلێشێواویان لە بازاڕدا دروستکرد کە بوونە هۆی بەرزبوونەوەی نرخی ئاڵوگۆڕ لە بازاڕی ڕەشدا.

"نەسەیری" ئاماژەی بەوەشکرد:- بانکی ناوەندی بەدواداچوون و چاودێریی بازاڕەکان دەکات بە هاوکاری لەگەڵ دەزگا پەیوەندیدارەکانی حکومەت، هەروەها ڕێوشوێنی بەپەلە دەگیرێتەبەر بۆ چارەسەرکردنی دۆخەکە و ڕاگرتنی هەموو ئەو هۆکارانەی کە دەبنە زیانگەیاندن بە ئابووری نیشتمان.

لە درێژەی قسەکانیدا ڕاوێژکاری کۆمەڵەی بانکە ئەهلیەکانی عێراق وتی:- بانکی ناوەندی کاردەکات بۆ دەستنیشانکردن و لێکۆڵینەوە لە هۆکار و بەربەستەکانی چوونە ناو سەکۆی ئەلیکترۆنی، و بۆ ئەوەی ئاسانکاری و ئاسانکاری خێراتر بکرێت بۆ گواستنەوەی دەرەکی لە بانکەکاندا،و دڵنیابوون لەوەی کە دۆلار دەگاتە سودمەندی ڕاستەقینە.

نەسەیری ووتیشی : ڕێوشوێنەکانی دوێنێ نرخی دۆلاری دابەزاند و بەردەوامیش دەبێت لە دابەزین، بەتایبەتی کە لە ئێستادا بانکی ناوەندی کار لەسەر گرتنەبەری میکانیزمی نوێ دەکات بۆ کۆنترۆڵکردنی سەقامگیری دراو، و ئەنجامەکانیش بەم زووانە دەردەکەون.

"سەمیر نەسیری" ڕاوێژکاری کۆمەڵەی بانکە ئەهلیەکانی عێراق داوا لە هەموو دەزگا حکومییەکان و بازرگانانی نێوئاڵوگۆری درا و بازرگانان دەکات ، کە پاڵپشتی دیناری عێراقی بکەن و مامەڵەی لەگەڵ بکەن لە هەموو چالاکییە دراوییە ناوخۆییەکان و بازرگانییەکان، بەو پێیەی بەهێزە و یەدەگی دراوی بیانی 113 ملیار دۆلاری تێپەڕاندووە، و توانای کڕینی وردە وردە بەرەو هەڵگەڕانەوەیە، جگە لەوەی پایەیەکی بنەڕەت و گرینگ و سەروەری نەتەوەییە.

هەروەک ووتیشی:- بانکی ناوەندی بەردەوامدەبێت لە ئەگەری دەستەبەرکردنی دۆلار بەو بڕە ڕادەگەیەنێت کە پێویستە، بە نرخی فەرمی لەرێگای سەکۆی ئەلیکترۆنی بانکی ناوەندییەوە.