سەرۆك كۆمار جەخت لەسەر گرنگی پتەوكردنی پەیوەندییەكان لەگەڵ كوێت و هاندانی هەلی وەبەرهێنان و بازرگانی دەكات
سیاسی
- 30-07-2023, 16:09
بەغدا - INA
ئەمڕۆ یەكشەممە عەبدوڵەتیف ڕەشید سەرۆك كۆمار جەختی لە گرنگی پتەوكردنی پەیوەندییەكان لەگەڵ كوەیت و هاندانی هەلی وەبەرهێنان و بازرگانی كرد.
سەرۆكایەتی كۆمار لە بەیاننامەیەكدا كە بۆ ئاژانسی هەواڵی عێراقی (INA) ناردووە ڕایگەیاند: كە سەرۆك كۆمار عەبدولەتیف جەمال ڕەشید ئەمڕۆ لە كۆشكی بەغدا پێشوازی لە وەزیری دەرەوەی كوەیت سالم عەبدوڵڵا سەباح و شاندی یاوەری كرد و بە ئامادەبوونی فوئاد حسێن، وەزیری دەرەوە،ئاماژە بەوە دەكات كە وەزیری دەرەوە سالم عەبدوڵڵا سەباح سڵاوی میری كوێت نەواف ئەحمەد جابر سەباح گەیاندە سەرۆك كۆمار، لە كاتێكدا سەرۆك كۆمار سڵاو و پێزانینی خۆی بە بەڕێز میری دەوڵەتی كوێت و گەلی برای كوێت سپارد.
سەرۆك كۆمار جەختی لەوە كردەوە گرنگی چەسپاندنی پەیوەندی برایانی نێوان هەردوو وڵات و بەرزكردنەوەی لێكتێگەیشتن و هاوكاری بنیاتنەر بە شێوەیەك كە بەرژەوەندییە هاوبەشەكان بەدەستبهێنێت و هانی هەلی وەبەرهێنان و بازرگانی بدات، لەگەڵ پێویستی بەردەوامبوون لە هەماهەنگی هاوبەش و كاركردنی پێكەوەیی بۆ دۆزینەوەی لێكتێگەیشتنێكی جێگەی ڕەزامەندی لەسەر هەڵپەسێردراوەكان و پرسەكان و گەیشتن بە چارەسەری یەكلاكەرەوە كە بەشدارن لە بنیاتنانی داهاتوویەكی خۆشگوزەران، ئاماژەی بەوەشكرد ئێمە ئێمە ئارەزووی سەركەوتنی هەموو هەوڵەكان دەكەین بە ئامانجی دامەزراندنی ئاسایش و سەقامگیری پێویست بۆ بەردەوامبوون لە كار و بیناسازی.
لای خۆیەوە سالم عەبدوڵڵا سەباح وەزیری دەرەوەی كوێت خۆشحاڵی خۆی دەربڕی بۆ ئەو دەستكەوتانەی لە عێراق بەدەست هاتوون و متمانەی خۆی بە دەستڕاگەیشتن بە عێراق بە سەلامەتی و سەقامگیری و خۆشگوزەرانی.
ئاماژەی بەوەشكرد : گفتوگۆكان لەگەڵ وەزارەتی دەرەوە بەرهەمدار بوون، پەیوەندییەكانمان پتەو و بەهێزن و باشتر دەبن و شایەتحاڵی دەستكەوتی گەورە دەبن و ئاماژەی بە پەیوەندییە مێژووییەكان كە هەردوو وڵات یەكدەخەن و ئاواتەخوازی بەهێزكردنیان لە بوارە جیاوازەكاندا.
