سەرۆك وەزیران و عەللاوی باس لە پرسە سیاسی و ئابووری و ئەمنییەكانی وڵات دەكەن
سیاسی
- 23-07-2023, 16:04
بەغدا - INA
ئەمڕۆ یەكشەممە محەممەد شیاع سودانی سەرۆكی ئەنجومەنی وەزیران و ئەیاد عەللاوی سەرۆكی پارتی ویفاقی نیشتیمانی عێراقی بابەتی سیاسی و ئابووری و ئەمنی وڵاتیان تاوتوێ كرد.
نووسینگەی ڕاگەیاندنی سەرۆكی ئەنجومەنی وەزیران لە ڕاگەیەندراوێكدا كە بۆ ئاژانسی هەواڵی عێراقی (INA) ناردووە ڕایگەیاندووە : محەممەد شیاع سودانی سەرۆكی ئەنجومەنی وەزیران لەگەڵ سەرۆكی پارتی رویفاقی نیشتمانی عێراق ئەیاد عەللاوی كۆبووەوە.
ئاماژەی بەوەشكرد : لە میانی كۆبوونەوەكەدا باسیان لە پرسە سیاسی و ئابوری و ئەمنییەكانی وڵات كرد، هەروەها جەختیان لەسەر هەوڵە هاوبەشەكانی سەرجەم هێزە سیاسییەكان كردەوە لە پاڵپشتیكردنی بەرنامە تایبەتەكانی حكومەت بەرەو بەدیهێنانی گەشەپێدان و باشتركردنی هەلومەرجی گشتی و گەیشتن بە سەقامگیری سیاسی و كۆمەڵایەتی.
