سەدر: سوید هێڵە دیپلۆماسی و پەیوەندە سیاسییەکانی بەزاندووە
سیاسی
- 20-07-2023, 13:07
بەغدا - INA
موقتەدا سەدر، سەرۆکی ڕەوتی سەدری، ئەمڕۆ پێنجشەممە، پشتڕاستی کردەوە کە سوید دوای پێدانی ڕەزامەندی بۆ سووتاندنی ئاڵای عێراق، هێڵە دیپلۆماسی و پەیوەندە سیاسییەکانی بەزاندووە.
سەید سەدر لە تویتێکدا لەڕێگەی تویتەرەوە ، کە ئاژانسی هەواڵی عێراقی بەدواداچوونی بۆی کردووە دەڵێت: "سوید دوای ئەوەی دوژمنایەتی خۆی بۆ ئیسلام و کتێبی ئاسمانی ڕاگەیاند، چونکە بڕوای بە بابەتە ئاسمانییە دیار و عیرفانییەکان نییە، لێرەدا هێلە دیپلۆماسی و پەیوەندی سیاسییەکان تێدەپەڕێت و دوژمنایەتی خۆی بۆ عێراق ڕادەگەیەنێت بە پێدانی ڕەزامەندی بۆ سووتاندنی ئاڵای عێراق".
ئاماژەی بەوەشکرد، "من لێرەم چاوەڕێی وەڵامی فەرمی پتەوی پێش هەر کارێکی تایبەت بە خۆمم و بەپێی تێگەیشتنی من ئەگەر ئاڵای عێراق بە کردەوە سووتێنرا، نابێت حکومەت بە ئیدانەکردن ڕازی بێت، چونکە ئەمە ئاماژەیە بۆ لاوازی و ملکەچبوون".
لە درێژەی قسەکانیدا دەڵێت "سەبارەت بە سووتاندنی قورئان جارێکی تر، هاوتا نییە لەگەڵ سووتاندنی تەورات و ئینجیل، بەڵکو گەلانی جیهان دەبێت پشتگیری ئاسمان بکەن، ئەگینا دەرئەنجامێکی بێ نرخمان دەبێت و پەشیمان نابمەوە".
