ئەسەد: سەردانەكەی سودانی بازدانێكی جۆرییەلە چوارچێوەی پەیوەندییە برایەتییەكان
سیاسی
- 16-07-2023, 16:32
دیمەشق - INA
ئەمڕۆ یەكشەممە بەشار ئەسەد سەرۆك كۆماری سوریا پشتڕاستی كردەوە كە سەردانەكەی محەممەد شیاع سودانی سەرۆكی ئەنجومەنی وەزیران بازدانێكی جۆرییەلە چوارچێوەی پەیوەندییە برایەتییەكان پێكدەهێنێت.
ئەسەد لە كۆنگرەیەكی ڕۆژنامەوانیدا كە لەگەڵ محەمەد شیاع سودانی سەرۆكی ئەنجومەنی وەزیران لە دیمەشقی پایتەخت ئەنجامیاندا و دواتر ئاژانسی هەواڵی عێراقی (INA) دواداچوونی بۆی کرد ڕایگەیاند: پەیوەندییەكانی نێوان هەردوو وڵات دێرینن، ئێمەش پەیوەندییەكی دێرینیمان هەیە و مێژوویەكی دوور و درێژ و هاوبەش لەگەڵ عێراق كە گەلی عێراق لە ئازارەكانیدا لە تەنیشت گەلی سوریا وەستابوو، ئەمەش ئاماژەیە بۆ ئەوەی عێراق هەر لە سەرەتاوە هەموو جۆرە دەستدرێژییەكی بۆ سەر سوریا ڕەتكردەوە.
ئەسەد ووتیشی: عێراق دەنگی حكومەت و گەلی سوریا بوو لە كۆڕ و كۆڕبەندە جیاجیاكاندا، هاوكات هەموو ئەو پاساوانەی ڕەتكردەوە كە دژی سوریا وەستابوون و ئاماژەی بە هەڵوێست و وەستانی عێراق لەگەڵ سوریا لە تاقیكردنەوەی بوومەلەرزەكەدا و دابینكردنی زۆر یارمەتی.
وتیشی: سڵاو لە سوپای عێراق و جەماوەری جەماوەر دەنێرین بۆ شەڕی دژی تیرۆر، ئاماژەی بەوەشكرد تیرۆر یەكێكە لە گرنگترین تەحەددیاتەكان كە لە ناوچەكەدا ڕووبەڕوومان دەبێتەوە.
ئاماژەی بەوەشكرد : لەگەڵ محەممەد شیاع سودانی سەرۆكی ئەنجومەنی وەزیران قسەمان كرد سەبارەت بە دۆخی عەرەبی و تەحەددیاتی ناوچەكە، ئاماژەی بەوەشكرد ئێستا دۆخی عەرەبی لە قۆناغێكی ئەرێنیدادایە.
گوتیشی: لەگەڵ محەممەد شیاع سودانی سەرۆكی ئەنجومەنی وەزیران پرسی كۆنترۆڵكردنی ماددە هۆشبەرەكان و پەیوەندییە ئابوورییەكان و هەنگاوەكانی بەهێزكردنی نێوان عێراق و سووریامان تاوتوێ كرد.
ئاماژەی بەوەشكرد : سەردانەكەی محەممەد شیاع سودانی بازدانێكی جۆری بوو و كردەیی لە چوارچێوەی پەیوەندییە برایەتییەكان پێكدەهێنێت، جەختیشی لەوە كردەوە كە ناسنامەی عێراق بە شێوەیەكی ڕەسەن بە عەرەبی دەمێنێتەوە.
