دەستگیركردنی (17) دزەپێكەری بیانی كە هەوڵی بەزاندنی سنووریان داوە بە شێوەیەكی نایاسایی
ئەمنی
- 16-07-2023, 11:41
بەغدا - INA
ئەمڕۆ یەكشەممە فەرماندەیی هێزە سنوورییەكان دەستگیركردنی (17) دزەپێكەری بیانی ڕاگەیاند كە هەوڵیان داوە بە شێوەیەكی نایاسایی سنوور ببەزێنن.
ڕاگه‌یاندنی فەرماندەییەكە لە بەیاننامەیەكدا كە بۆ ئاژانسی هەواڵی عێراقی (INA) ناردووه و ڕایانگەیاندووە: كە لە ڕێگەی بەدواداچوونی بەردەوامی مەیدانی بۆ ڕێگریكردن لە حاڵەتەكانی دزەكردن و قاچاخچێتی، فەوجێكی یەكەمی لیوای شانزەی سنووری لە چوارچێوەی فەرماندەیی سنوورەكانی هەرێمی چوارەم بەڕێوەی بردووە بۆ دەستگیركردنی (17) دزەپێكەری بیانی كە هەوڵی بەزاندنی سنوورەكانیان داوە بە شێوەیەكی نایاسایی.
ئاماژەی بەوەشكرد: تۆمارێك لە دەستگیركردنە بنەڕەتییەكان ڕێكخرا و ڕێوشوێنی یاسایی بەرامبەریان گیرا و ڕەوانەی لایەنە پەیوەندیدارەكان كران.
