كەركوك وەرگرتنی 475 تۆن گەنم لەم وەرزەدا ڕادەگەیەنێت

ناوخۆ

12-07-2023, 21:12

+A -A

كەركوك - INA - عەباس ربحاوی

كۆمپانیای گشتی بۆ بازرگانی دانەوێڵە لە كەركوك، ئەمڕۆ چوارشەممە، ئاشكرایكرد: بۆ وەرزی بازاڕكردنی ئەمساڵ 475 هەزار تۆن گەنمیان وەرگرتووە، و تەئكیدیشیكردەوە: پانزەی ئەم مانگە دوا ڕۆژ دەبێت بۆ وەرگرتنی بڕی زیادە.

بەڕێوەبەری لقی كەركوك حسێن قەنبەر، بە ئاژانسی هەواڵی عێراقی ڕاگەیاند: دەروازەكانی وەرگرتنی گەنم لە پارێزگای كەركوك تا ئێستا زیاتر لە 475 هەزار تۆنیان وەرگرتووە، هەروەها بەردەوامن لە پڕۆسەی وەرگرتنی گەنمی جووتیاران لە سێ فرۆشگاكە لە كەركوك و تازە و ڕیاز، و وتیشی: بڕی وەرگیراو زیاتر بووە لەوەی لە ساڵانی ڕابردوودا وەرگیراوە.

ئاماژەی بەوەشكرد: كۆمپانیاكە پانزەی ئەم مانگەی وەك دوا وادە بۆ وەرگرتنی بەرهەمی گەنمی پارێزگاكە دیاریكردووە، و راشیگەیاند: جووتیاران فشاری گەورەیان لەسەر شوێنەكانی گەیاندن لە پارێزگاكەدا دروستكردوەو شایستەكانی داراییش 250 ملیار دیناری عێراقی تێپەڕاندووە.