وەزیری پیشەسازی ڕێنمایی دەدات بە زیادکردنی کاتەکانی کارکردن بۆ پڕۆژە گرنگەکان
ناوخۆ
- 9-07-2023, 18:00
بەغداد/ INA
ئەمڕۆ یەکشەممە"خالد بەتاڵ نەجم" وەزیری پیشەسازی و کانزاکان،ڕێنماییدا بە زیادکردنی کاتی کارکردن بۆ پڕۆژە گرنگەکان بۆ دڵنیابوون لە خێرا تەواوکردنی.
وەزارەتی پیشەسازی،لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی ڕایگەیاندووە:- ئەمڕۆ وەزیری پیشەسازی و کانزاکان سەرۆکایەتی چوارەمین کۆبوونەوەی دەستەی بۆچوونەکانی بۆ ئەم ساڵ ٢٠٢٣ کرد، بە ئامادەبوونی بریکار و ڕاوێژکار و بەڕێوەبەرە گشتییەکان لەبەڕێوەبەرایەتییەکانی وەزارەت و پێکهاتە گشتییەکانی سەر بە وەزارەت، بۆ گفتوگۆکردن لەسەر ئەو پرسانەی کە لە بەرنامەی کارداهاتبوون.
بەیاننامەکەی وەزارەت،ئاماژەی بەوەداوە کە لە کۆبوونەوەکە بە پێداچوونەوە بە جێبەجێکردنی بڕیارەکانی کۆبوونەوەی سێیەمی دەستەکە و دەرکردنی کۆمەڵێک ڕێنمایی لەخۆگرت،لەوانە:
1.زیادکردنی کاتی کارکردن بۆ پڕۆژە گرنگەکان بۆ دڵنیابوون لە خێرا تەواوکردنی.
2.پێدانی سوپاسنامە و پێزانین بۆ ئەو کار و ئەرکانەی کە لە دەرەوەی کاتی دەوامی فەرمی ئەنجام دەدرێن.
3.ئەولەویەتدان بە زیادکردنی ڕێژەی مووچەی فەرمانبەران بەمەبەستی گەیشتن بە ئامانجەکانی بەرنامەی حکومەت و پێکهێنانی لیژنەیەک لە بەشی کارگێڕی و بەشی ئابووری لە وەزارەت بەسەرپەرشتی ڕاوێژکاری زانستی بۆ ئامادەکردنی میکانیزمێک بۆ حیسابکردنی ڕێژەی سەدی بەشداریکردن بە مەبەستی پەسەندکردن.
4. پابەندبوون بە ڕێسا و ڕێنمایی و یاساکانی حکومەت لە کاتی جێبەجێکردنی پەیوەندییەکان.
هەروەها لە درێژەی کۆبوونەوەکەدا باس لە گفتوگۆکردن لەسەر کۆمەڵێک بابەت و گرتنەبەری بڕیاری پێویست لەبارەیانەوە کرا کە بریتی بوون لە؛
1- پرسی جیاکردنەوەی کارگەی ڕەدوان لە کۆمپانیای فارس و لکاندنی بە کۆمپانیای دەرمانی سامەڕا بۆ ئەوەی ڕایبگەیەنێت وەک دەرفەتێک بۆ دامەزراندنی شارێکی پیشەسازی دەرمان کە هاوتەریب بێت لەگەڵ کارەکانی حکومەت بۆ خۆجێیکردنی پیشەسازی دەرمان،بۆیە پێشنیار کرا بۆ دووبارە خوێندنەوەی بابەتەکە لەلایەن دەستەی شارە پیشەسازییەکان و کۆمپانیای فارس بە هەماهەنگی لەگەڵ کۆمپانیای دەرمانی سامەڕا و وەرگرتنی ڕەزامەندی ژینگەیی بۆ گۆڕینی بۆ شارێکی پیشەسازی دەرمان و خۆراک بە مەبەستی ئەنجامدانی ڕێکارە کارگێڕی و یاساییەکان.
2. پرسی پێوەرە داراییەکان بۆ کۆمپانیاکانی وەزارەت بۆ ساڵی 2022، وە پێشنیار کرا تیمێک پێکبهێنرێت بۆ هەڵسەنگاندنی ئەو ڕاپۆرتانەی پێشکەش دەکرێن لەگەڵ ڕێنمایی بۆ داڕشتنی پلانی واقیعی کە بتوانرێت جێبەجێ بکرێت.
3. مەبەست لە دامەزراندنی چالاکییە زانستییەکان لە لایەن دەستەی توێژینەوە و پەرەپێدانی پیشەسازی، و ڕەزامەندی لەسەر تەرخانکردنی بڕە پارەی پێویست لە حسابی توێژینەوە و پەرەپێدان بۆ دامەزراندنی کۆنفرانسی زانستی و تەواوکردنی توێژینەوەی زانستی لەلایەن دەستەی پێشووەوە تەرخانکرا.
