سەرۆك كۆمار: حكومەت سەركەوتوو بووە لە دەستەبەركردنی خزمەتگوزارییە پێویستەكان بۆ ژیانێكی شایستە
سیاسی
- 8-07-2023, 13:15
بەغدا - INA - ویسام مەلا
ئەمڕۆ شەممە عەبدوڵەتیف ڕەشید سەرۆك كۆماری عێراق دووپاتی كردەوە كە حكومەت سەركەوتوو بووە لە دەستەبەركردنی ئەو خزمەتگوزارییانەی كە پێویستن بۆ ژیانێكی شایستە.
ڕەشید لە میانی ئاهەنگی جەژنی غەدیر كە لە چوارچێوەی هەماهەنگی بە ئامادەبوون و بەشداریی سەرۆكایەتییەكان و ئەندامانی پەرلەمان و وەزیر و دیپلۆماتكاران ڕێكخرابوو، هەروەها پەیامنێری ئاژانسی هەواڵی عێراقی (INA) ئامادەی بوو ڕایگەیاند: پیرۆزبایی لە هەموو ئەوانەی جەژنی غەدیر دەكەن، دوعا دەكەم یادەوەری بۆنخۆش و گەلەكەمان بە شكۆمەندی و سەلامەتییەوە بگەڕێتەوە.
ووتیشی : ئێمە زاڵ بووین بەسەر چەندین سەختی و یەكڕیزیی نەتەوەیی یەك پێكهاتە بوو بۆ ئەم گەلە، ئەمڕۆش لەبەردەم بارودۆخێكی مێژوویی بووین كە یارمەتیدەرە بۆ بنیاتنانەوە و پێشكەوتن لە سایەی نیعمەتی ئاسایش و سەلامەتی كە ئەمەش كورتكردنەوەی كات بۆ گەیشتن بەرز دەكاتەوە و ئەوەی ئێمە ئاواتەخوازین، جەختیشی لەوە كردەوە كە ئاسایش و سەلامەتی ئابووری بەرز دەكاتەوە و یارمەتی وەبەرهێنان دەدات.
ئاماژەی بۆ ئەوەش كرد : كە حكومەت دوای ئەوەی ئەركەكانی گرتە ئەستۆ، سەركەوتوو بوو لە دەستەبەركردنی ئەو خزمەتگوزارییانەی كە پێویستن بۆ ژیانێكی شایستە و پتەوتر بوون، جەختیشی كردەوە كە گەلی عێراق شایەنی زیاترە لە بیناسازی و خزمەتگوزاری و كاركردن بۆ بەرەنگاربوونەوەی گەندەڵی.
