لە بەسرە بازرگانێكی مادەی هۆشبەر بە 5 كیلۆ حەشیشەوە دەستگیردەكرێت

ئەمنی

30-06-2023, 13:49

+A -A

بەغداد - INA

بەڕێوبەرایەتی گشتی كاروباری ماددە هۆشبەرەكان و كارتێكەرە دەروونییەكان، ئەمڕۆ هەینی، دەستگیركردنی بازرگانێكی ماددە هۆشبەرەكانی بە 5 كیلۆ حەشیشی مادەی هۆشبەر لە شاری بەسرە ڕاگەیاند.

بەڕێوبەرایەتییەكە لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: لەژێر چاودێری ڕاستەوخۆ و تایبەتی وەزیری ناوخۆ عەبدولئەمیر شەمەری، و بە ئۆپەراسیۆنێكی چۆنایەتی و بەدواداچوونی مەیدانی بەردەوام و دوای دانانی بۆسەیەكی ورد، لە ڕێگەی هێزێكی كۆنترۆڵكردنی ماددە هۆشبەرەكانی بەسرە توانیمان بازرگانێكی مادەی هۆشبەر كە 5 كیلۆ حەشیشی مادەی هۆشبەری پێبوو لە پارێزگای بەسرە دەستگیر بكەین.

ئاماژەی بەوەشكرد: ڕێوشوێنی یاسایی پێویست بەرامبەری گیراوەتەبەر بەپێی بڕگەكانی ماددەی (28)ی ماددە هۆشبەرەكان بۆ تاوانی بازرگانیكردن بە ماددە هۆشبەرەكان، بۆ ئەوەی سزای دادپەروەرانەی خۆی وەربگرێت.

هەروەك لە بەیاننامەكەدا بەڵێن بە گەلی عێراق دەدات، لە شكستپێهێنانی بازرگانانی ماددە هۆشبەرەكان لە كاتژمێرەكانی داهاتوودا.