بارزانی: سوتاندنی قورئانی پیرۆز ناچێتە چوارچێوەی ئازادیی ڕادەربڕین
ناوخۆ
- 29-06-2023, 20:29
هەولێر - INA
سەرۆكی پارتی دیموكراتی كوردستان مەسعود بارزانی، ئەمڕۆ پێنجشەممە، تەئكیدیكردەوە: كە كردەی ناڕەوای سوتاندنی قورئانی پیرۆز بە هیچ شێوەیەك ناچێتە چوارچێوەی ئازادیی ڕادەربڕین.
بارزانی لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: كردەی ناڕەوای سوتاندنی قورئانی پیرۆز بە هیچ شێوەیەك ناچێتە چوارچێوەی ئازادیی ڕادەربڕین و هیچ پاساوێك هەڵناگرێت، ئەمە برینداركردنی هەست و سۆزی تێكڕای موسوڵمانانی جیهانە و زۆر بە توندی سەركۆنەی دەكەین.
راشیگەیاند: ئەم جۆرە كردەوانە دژی گیانی تەبایی و پێكەوەژیانە و خزمەتی گوتاری تاریكی و بڵاوكردنەوەی ڕق و كینە دەكات و لەسەر هەموو لایەك پێویستە ڕێگری لێ بكەن.
بایدن ڕێککەوتنی ئاگربەست لە لوبنان ڕادەگەیەنێت
- جیهانی
- 12:11
