وەزیری بەرگری پلانێك بۆ دەستپێكردنی وەرگرتنی ئەو كەسانە ڕادەگەیەنێت كە گرێبەستەكانیان لە سوپا هەڵوەشاوەتەوە

ناوخۆ

25-06-2023, 14:53

+A -A

بەغدا - INA

ئەمڕۆ یەكشەممە وەزیری بەرگری سابت محەمەد عەباسی پلانی دەستپێكردنی وەرگرتنی ئەو كەسانەی ڕاگەیاند كە گرێبەستەكانیان لە سوپا هەڵوەشاوەتەوە.

عەباسی لە بەیاننامەیەكدا كە بۆ ئاژانسی هەواڵی عێراقی (INA) ناردووە ڕایگەیاندووە : لە جێبەجێكردنی ڕێنماییەكانی فەرماندەی گشتی هێزە چەكدارەكان محەمەد شیاع سودانی و بەدواداچوونی بەردەواممان لە دۆسیەی گرێبەستە هەڵوەشاوەكان لە وەزارەتی بەرگری، پلانێك داڕێژراوە بۆ دەستپێكردنی وەرگرتنی گرێبەستە هەڵوەشاوەكان لە سوپا و دابەشكردنیان بە دوو ژەم، كە ژمارەیان زیاترە لە 37 هەزارەوە.

ئاماژەی بەوەشكرد : لەو كاتەوەی پۆستەكەمان لە وەزارەتی بەرگری وەرگرتووە لەگەڵ سەرۆك ئەركانی سوپا كارمان كردووە بۆ بەدواداچوون بۆ دۆسیەی ئەو كەسانەی گرێبەستەكانیان هەڵوەشاوەتەوە و لە پێشینەی كارەكانیان دانراوە.

هەروەها سوپاسی هەموو ئەو كەسانەی كرد كە بەشدارییان بە كۆتاییهێنان بەم دۆسیەیەدا كردووە و سەرەتا لەفەرماندەی گشتی و ئەندامانی ئەنجومەنی نوێنەران و لیژنەكانی دارایی و ئاسایش و بەرگرییەوە.