لەبارەی بونی چەند دەنگۆیەک وەزارەتی تەندروستی ڕوونکردنەوەیەک بڵاودەکاتەوە

ناوخۆ

23-06-2023, 17:09

+A -A

بەغداد/ INA

ئەمڕۆ هەینی، وەزارەتی تەندروستی ڕوونکردنەوەیەکی سەبارەت بە

کەمی گیراوەی ناو خوێنبەرەکان لە نەخۆشخانەکاندا بڵاوکردەوە.

وەزارەتی تەندروستی لە بەیاننامەیەکدا کە بۆ ئاژانسی هەواڵی عێراقی (INA) ناردووتەتی ڕایگەیاندووە:- کە "لە هەندێک لە پەیجەکانی سۆشیال میدیا هەواڵی کەمی گیراوەی ناو خوێنبەر بەناوی (شلەی خوێی خۆراکی) بڵاوبۆتەوە .

لەوبارەیەوە وەزارەتی تەندروستی دووپاتی دەکاتەوە کە بڕێکی زۆر لە کۆگانی کۆمپانیای گشتی هاوردە و دابەشکردنی دەرمان و پێداویستی پزیشکی بەردەستە، وەک بەشێکی لە وێنەکانی هاوپێچکراوی ئەو هەواڵەدا دەردەکەوێت کە ئەمڕۆ گیراوە، ئەوە جگە لەبوونی لە هەموو نەخۆشخانەکاندا ، هەروەک بڕێکی زۆر لە ماوەی پێشوودا دابەشکراوە.

وەزارەتی تەندروستی ئاماژەی بەوەشدەکات: کە ئەم دەنگۆیانە ئامانجیان چەواشەکردنی ڕای گشتی و شێواندنی وێنەی راستیەکانە ، کە وەزارەتەکان ئامانجیان جێبەجێکردنی ئەولەویەتەکانی بەرنامەی حکومەتە، وەزارەتی تەندروستیش لە کەرتی تەندروستیدا ئامانجیەتی بەرنامە حکومیەکەی جێبەجێبکات.

هەروەک وەزارەت: داوای لە هەموو دەزگاکانی ڕاگەیاندن دەکات لێدوان لە سەرچاوە فەرمی وەربگرن و بە وریای مامەڵە لەگەڵ گواستنەوەی هەواڵەکان بکەن.

جەختیشی لەوە کردەوە کە وەزارەتی تەندروستی "مافی خۆیەتی بە شێوەیەکی یاسایی وەڵامی ئەو دەنگۆیانە بداتەوە کە ئامانجیان تێکدانی ئاسایش و تەندروستیە لە وڵاتدا.