حەشدی شەعبی: ئەو تیرۆریستانە دەستگیركران كە هێرشیان كردە سەر یەكەكانی سوپا لە كەركوك
ئەمنی
- 22-06-2023, 22:13
بەغداد - INA
فەرماندەیی میحوەری باكوور لە حەشدی شەعبی، ئەمڕۆ پێنجشەممە، دەستگیركردنی ئەو تیرۆریستانەی ڕاگەیاند كە هێرشیان كردە سەر سوپای عێراق، كە بووە هۆی شەهیدبوونی ژمارەیەك سەرباز لە كەركوك.
فەرماندەییەكە لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: هێزێكی هاوبەش لە هەواڵگریی 31 لە سوپای عێراق و فەرماندەكانی 15 و 63 لە حەشدی شەعبی و بە فەرماندەیی فەرماندەی ئۆپەراسیۆنەكانی میحوەری باكوور، حاجی ئەبو رەزا نەجار، لە ئۆپەراسیۆنێكدا 3 لە سەركردەكانی داعشیان لە كەركوك دەستگیركرد.
ئاماژەی بەوەشكرد: ئەم تیرۆریستانە لە ئەنجامدەرانی هێرشەكەی ئەم دواییە بوون بۆ سەر پێگەكانی سوپا لە پارێزگاكە، كە بووە هۆی شەهیدبوونی 3 ئەفسەری هەواڵگری سوپا و برینداربوونی 6 كارمەندی تر، دووپاتیشیكردەوە: بەردەوام دەبین تا دوا تیرۆریستی داعش دەكوژرێت یان دەستگیر دەكرێت.
