نێچيرڤان بارزانى پێشوازى له شاندێكى باڵاى UN دەکات
سیاسی
- 21-06-2023, 16:24
هەولێر/ INA
ئەمڕۆ سێشەممە سه‌رۆكی هەرێمی کوردستان نێچيرڤان بارزانى، پێشوازى له شاندێكى باڵاى UN كرد.
نووسینگەی ڕاگەیاندنی سەرۆکی هەرێمی کوردستان لە بەیانامەیێک دا کە کۆپیەکی بۆ ئاژانسی هەواڵی عێراقی ناردووە تێیدا هاتووە،پاشنيوه‌ڕۆى ئه‌مڕۆ چوارشه‌ممه نێچيرڤان بارزانى، سه‌رۆكى هه‌رێمى كوردستان، پێشوازى له شاندێكى باڵاى نه‌ته‌وه يه‌كگرتووه‌كان به سه‌رۆكايه‌تيى عه‌بدوڵڵا ئه‌لده‌رده‌رى، ياريده‌رده‌رى سكرتێرى گشتيى نه‌ته‌وه يه‌كگرتووه‌كان و به‌ڕێوه‌به‌رى هه‌رێميى UNDP بۆ وڵاتانى عه‌ره‌بى، كرد.
له كۆبوونه‌وه‌يه‌كدا شانده‌كه پوخته‌يه‌كيان ده‌رباره‌ى ئامانجى سه‌ردانيان بۆ عێراق و هه‌رێمى كوردستان خسته ڕوو كه بۆ يارمه‌تيدانى عێراق و هه‌رێمى كوردستانه له هه‌جۆركردنى سه‌رچاوه‌كانى داهات و به ته‌نيا پشتنه‌به‌ستن به نه‌وت. له‌مباره‌يه‌وه سه‌رۆك نێچيرڤان بارزانى دووپاتى كردوه كه داهاتووى عێراق و هه‌رێمى كوردستان به هه‌مەجۆركردنى ئابوورى و سه‌رچاوه‌كانى داهاته‌وه، به‌نده.
هه‌ردوولا ده‌رباره‌ى گۆڕانى كه‌شوهه‌وا بيروڕايان گۆڕييه‌وه و هاوڕا بوون كه قه‌يرانێكى جددييه و كاريگه‌رييه‌كى زۆرى له‌سه‌ر عێراق هه‌يه، بۆيه ده‌بێ عێراق به پشتگيريى نێوده‌وڵه‌تى به جددى ڕووبه‌ڕووى ئه‌و قه‌يرانه ببێته‌وه. شانده‌كه دووپاتى كرده‌وه كه هه‌م بۆ به‌ره‌نگاربوونه‌وه‌ى كاريگه‌رييه‌كانى گۆڕانى كه‌شوهه‌وا و هه‌م بۆ هه‌مه‌جۆركردنى سه‌رچاوه‌كانى داهات، يارمه‌تيى عێراق و هه‌رێمى كوردستان ده‌ده‌ن.
شانده‌كه هه‌روه‌ها ئاماژه‌يان به كۆبوونه‌وه‌يان له‌گه‌ڵ ده‌سته‌ى وه‌به‌رهێنان له هه‌رێمى كوردستان كرد كه تيايدا ئاماده‌يى و پشتگيريى نه‌ته‌وه يه‌كگرتووه‌كانيان ده‌ربڕيوه بۆ يارمه‌تيدانى هه‌رێمى كوردستان له پلانسازى و دانانى نه‌خشه‌ڕێگه بۆ چۆنيه‌تيى ڕاكێشانى وه‌به‌رهێنانى بيانى بۆ هه‌رێمى كوردستان و ڕه‌خساندنى ده‌رفه‌تى كار بۆ گه‌نجان.
لاى خۆيه‌وه نێچيرڤان بارزانى، وێڕاى پێشوازى له بيروبۆچوون و پلانى به‌ڕێز ئه‌لده‌رده‌رى و UNDP، هيواى سه‌ركه‌وتنى له ئه‌ركه‌كه‌يدا بۆ خواست و هه‌وڵه‌كانى بۆ يارمه‌تيدانى عێراق و هه‌رێمى كوردستان، به‌رز نرخاند.
