لە كەركوك عەبادی سەردانی خێزانی شەهید سەبعاوی دەكات
- 28-04-2018, 00:00
كەركوك – ا ه ع دكتۆر حەیدەر عەبادی سەرۆك وەزیران و فەرماندەی گشتی هێزە چەكدارەكان لە كەركوك سەردانی خێزانی شەهید عەقید فازڵ سەعید سەبعاوی كرد. نوسینگەی راگەیاندنی سەرۆك وەزیران لە بەیاننامەیەكدا كە وێنەیەكی بۆ ئاژانسی هەواڵی عێراقییە (ا ه ع) نێردراوە، رایگەیاند:" حەیدەر عەبادی لە پارێزگای كەركوك سەردانی خێزانی شەهید عەقید فازڵ سەعید سەبعاوی و كوڕە شەهیدەكەی زیاد فازڵ سەعیدی كرد كە هەردووكیان لە حەویجە شەهیدكران. هەر لە پارێزگای كەركوك عەبادی سەردانی شەهید سەدام عەدولخالق ساڵحی كرد كە لە كەركوك شەهیدكرا، عەبادی لەمیانی ئەو سەردانەیدا تەئكیدیكردەوە شەهیدان مایەی شانازی عێراقن و بە گیانفیداییان سەركەوتن بەدیهات و ناوچەكان رزگاركران و عێراق بەیەكگرتویی مایەوە.
