وەزیری بازرگانی: جولەیەك ئاشکرا دەکات بۆ زیادكردنی قەبارەی ئاڵوگۆڕی بازرگانی نێوان عێراق و میسر
ئابوری
- 12-06-2023, 22:00
قاهیرە - INA- ئیسراِ خەلیفە
ئەمڕۆ دووشەممە وەزیری بازرگانی،ئەسیر داود غریری جولەیەك بۆ زیادكردنی قەبارەی ئاڵوگۆڕی بازرگانی نێوان عێراق و میسری ئاشكرا كرد، ڕێككەوتنی لەسەر 11 یاداشتی لێكتێگەیشتنی ڕاگەیاند كە پێشبینی دەكرێت لە سەردانەكەی سەرۆكوەزیرانی عێراق محەمەد شیاع سودانی بۆ قاهیرە.
غریری بە ئاژانسی هەواڵی عێراقی (INA)ی ڕاگەیاند: سبەی سێشەممە كۆبوونەوەكانی خولی دووەمی لیژنەی باbی هاوبەشی نێوان عێراق و میسر بە ئامادەبوونی محەمەد شیاع سودانی سەرۆكی ئەنجومەنی وەزیران بەڕێوەدەچێت.
ئاماژەی بەوەشكرد: (11) یاداشتنامەی لێكتێگەیشتن لەسەری ڕێككەوتوون، كە زۆربەی بوارەكانیشی تێدایە، لەوانە وەرزش، گەشتوگوزار، پلاندانان، كاروباری دەرەوە، ڕۆشنبیری و ئەوەی پەیوەندی بە دۆسیەی كارگێڕییەوە هەیە و ئاماژەی بەوەشكرد، ئەو شاندە دەسەڵاتدارە بۆ دانوستان و واژۆكردن بووە پێكهاتووە لە شارەزا و پرۆفیسۆر و بە سەركەوتوویی دانرا بە تۆمارێك كە لەلایەن لایەنە عێراقی ومیسری قبوڵكرابوو .
ئاماژەی بەوەشكرد : بواری وەبەرهێنان لە عێراق بە فراوانی كراوەیە، وە ئەگەری ئەوە هەیە میسرییەكان چالاكانە بن لە چوونە ناو بازاڕەوە و وەبەرهێنان لە بازاڕی عێراقدا ئومێدبەخش و گەورەیە، عێراقییەكان مەیلیان بۆ كاڵا میسرییەكان هەیە.
ڕایگەیاند : قەبارەی ئاڵوگۆڕی بازرگانی ئێستای نێوان عێراق و میسر نەگەیشتۆتە ئاستی پەیوەندییەكانی نێوان هەردوو وڵات، هیوای خۆی دەربڕی كە قەبارەی ئاڵوگۆڕكردن بەڕێژەی قەبارەی هەردوو وڵات و ئاستی پەیوەندییەكانیان زیاد بكات.
ئاماژەی بۆ ئەوەش كرد : گرنگیدان بە زیادكردنی قەبارەی ئاڵوگۆڕكردن و سوودوەرگرتن لە شارەزایی و ئەزموونە گەورە و گرنگەكانی میسری لە هەموو بوارەكاندا هەیە، هەروەها ئامادەیی لە عێراقدا هەیە.
[spoiler][/spoiler]
