لەرووبەرووبونەوەیەک لەگەڵ هێزە ئەمنییەکان لە میسان تاوانبارێکی مەترسیدار کوژرا

ئەمنی

12-06-2023, 11:20

+A -A

بەغداد/ INA

هێزە ئەمنییەکان توانیان تاوانبارێکی مەترسیدار و بازرگانێکی مادەی هۆشبەر لە پارێزگای میسان بکوژن.

ئەمڕۆ دووشەممە، سەرچاوەیەک لە وەزارەتی ناوخۆ بە ئاژانسی هەواڵی عێراقی (INA)ی ڕاگەیاند: هێزە ئەمنییەکان لە پارێزگای میسان تاوانبارێکی مەترسیداریان کوشتووە کە تێوەگلاوە لە کوشتنی چەندین هاوڵاتی مەدەنی بێتاوان و هێزە ئەمنییەکان، دوای ئەوەی هەوڵیدا لەگەڵ کوڕ و براکەی رووبەرووی هێزی ئەمنیەکان ببێتەوە.

ئەو سەرچاوە ئەمنیە ووتیشی : ئەو تاوانبارەی پێشتر یەکێکە بووە لە بەناوبانگترین بازرگانانی ماددە هۆشبەر و داڵدەی تاوانبارانی پارێزگاکانی بەسرە و ناسریە و عەمارەی داوە .

ئەوەشی خستەروو"کە ئەو جۆرە ئۆپەراسیۆنە ئەمنییە دەبێتە هۆی بەهێزکردنی ئاسایش و سەقامگیری لە پارێزگاکەدا، بەتایبەت بۆ کاری ئەو کۆمپانیایانەی کە کاری وەبەرهێنانان دەکەن لە پارێزگاکەدا، کە تاوانبار هەڕەشە و داوای سەرانەی کردبوو .