گرنگترین بڕیارەکانی دانیشتنی ئەمڕۆی ئەنجومەنی وەزیران
سیاسی
- 11-06-2023, 19:06
بەغداد/INA
ئەمڕۆ یەكشەممە ئەنجومەنی وەزیران دانیشتنی ئاسایی خۆی بە سەرۆكایەتی "محەمەد شیاع سودانی " سەرۆكی ئەنجومەنی وەزیران ئەنجامدا.
نووسینگەی ڕاگەیاندنی سەرۆكی ئەنجومەنی وەزیران لە بەیاننامەیەکدا كە بۆ ئاژانسی هەواڵی عێراقی (INA) ناردوویەتی ، تیایدا ڕایگەیاندووە: "محەمەد شیاع سودانی " سەرۆکی ئەنجوومەنی وەزیران، سەرۆکایەتی بیست و چوارەمین دانیشتنی ئاسایی ئەنجومەنی وەزیرانی کرد و تیایدا رەوشی گشتی وڵات خرایەروو، هەروەها دیارترین پرسەکان لە بوارە جیاوازەکان لەگەڵ بابەتەکانی ناو کارنامەی دانیشتنەکە تاوتووێکران و چەندین بڕیار لەبارەیانەوە دران.
لەدرێژەی بەیاننامەکەی ئەنجومەنی وەزیراندا هاتووە :- بە پشتبەستن بە ڕێنماییەکانی سەرۆکی ئەنجوومەنی وەزیران بۆ پێگەیاندنی لاوان و پاڵپشتیکردنیان لە بوارە جیاجیاکاندا، لەوانەش لە بواری ئابوورییەوە، ئەنجومەنی وەزیران ئەم بڕیارانەی خوارەوەی پەسەند کرد:
1ـ داواکاری بۆ دامەزراندنی کۆمپانیا نوێیەکان پێشکەش دەکرێت (بە ڕێگای کۆمەڵێک ئەندازیار و ژمێریارێکی دارایی و یاساییەوە) بۆ فەرمانگەی تۆماری کۆمپانیاکانی سەر بە وەزارەتی بازرگانی، بە پشتبەستن بە بڕگەکانی مادەکانی (17-22)ی یاسای کۆمپانیاکانی هەموارکراوی ژمارە (21)ی ساڵی 1997 و مادەی (8/یەکەم)ی پێکهێنان و ئەرکەکانی وەزارەتی بازرگانی و ڕێنمایی ژمارە (2)ی ساڵی 2014.
2- وەزارەت یان پارێزگاکان لە ڕێگەی ئەندازیارێکی تایبەتمەندەوە پاڵپشتی تەکنیکی بۆ کۆمپانیا نوێیەکان دەکات، کە سەرپەرشتی و هاوکاری لاوان دەکات لە کاتی کارەکانیاندا بۆ ماوەی دوو ساڵ، بەمەرجێک فەرمانبەرەکان بەرەزامەندی دەزگاکانی حکومی بن و بە نووسراوی خۆی و بە بڕیارێکی ئەنجومەنی وەزیران، بە پشتبەستن بە بڕگەکانی ماددەی (38)ی یاسای خزمەتگوزاری شارستانی ژمارە (24) بۆ ساڵی 1960، بە مەرجێک مووچەکەی لەسەر بنەمای بڕگەکان هەڵبگرێت لە بڕگەی (5)ی ڕێنماییەکانی خزمەتگوزاری شارستانی ژمارە (11) بۆ ساڵی 1960.
3ـ ژماردنی سەرجەم ڕسوماتەکانی (تۆمارکردن و ڕسوماتی سەرمایە و هتد…) بۆ کۆمپانیا نوێیەکان وەکو قەرزێکی حکومەت بەپێی مادەی (46) لە یاسای بەڕێوەبردنی دارایی فیدراڵی (6ی ساڵی 2019) و بڕیارنامەی کابینەی حکومەت (28ی ساڵی 2020).
4ـ پێدانی کارەی بەڵێندەرایەتی بە کۆمپانیای نوێیەکان تا بڕی یەک ملیار دینار، بەبێ لەسەر یەک کەمکردنەوە (بە ڕێژەی یەک کار لە هەر شەش مانگدا)، وەکو بەدەرکرنێک لە ڕێنماییەکانی ئەنجامدانی گرێبەستە حکومییەکان (2ی ساڵی 2014) و ڕێنماییەکانی پۆلێنکردن کۆمپانیاکانی بەڵێندەرایەتی و بەڵێندەران، و لیستی ڕەشی ژمارە (1) بۆ ساڵی 2015، بە مەرجێک چاودێری ئەدای کارکردنی بکرێت و یارمەتی بدرێت.
5ـ پشتگیری کۆمپانیا نوێیەکان بۆ ماوەی دوو ساڵ دەخایەنێت.
6ـ لە هەر پارێزگایەک وەکو ئەزمونێک یەک کۆمپانیا دادەمەزرێت، جگە لەبەغدای پایتەخت (4) کۆمپانیا دادەمەزرێن، دوو کۆمپانیا لە پارێزگای بەسرە، و دوو کۆمپانیا لە نەینەوا و قەزای شنگال.
هەر لەدرێژەی بەیاننامەکەی نوسینگەی سەرۆک وەزیران هاتووە :بەشێکی کۆبونەوەی ئەمرۆ تەرخانکرابوو بۆ بەبابەتی خوێندنی باڵا، و پرسی ڕێکخستنی پرۆسەی دروستکردنی زانکۆی ئەهلیەکان،لەوبارەیشەوە ئەنجومەنی وەزیران ڕاسپاردەکانی کۆبوونەوەی هاوبەشی تایبەت بە پرسی دیراسەکردنی دروستکردنی زانکۆکان پەسەندکرد کە لە نوسینگەی سەرۆکی ئەنجومەنی وەزیران لە 29ی ئایاری 2023 بەڕێوەچوو وئەم ڕاسپارادانەی خوارەوەی لەخۆگرتووە:-
1ـ پەسەندکردنی ئەو ڕاسپاردانەی کە لە نوسراوی وەزارەتی خوێندنی باڵا و توێژینەوەی زانستی لە 3ی ئایاری 2023دا هاتووە، بەجۆرێک ڕێکارەکانی دامەزراندنی زانکۆ ئەهلیەکان بەپێی ئەو لێکۆڵینەوەیە بێت کە پێشکەش کراوە، بەپێی ئەم مەرجانەی خوارەوە:
اـ پەسەندکردنی خوێندن لەسەر ئاستی خوێندنی زانکۆیی یەکەم ، حکومی و ئەهلی.
ب ـ دروستکردنی زانکۆ ئەهلیەکان مەرجی دوانەبوونە لەگەڵ زانکۆ بیانییە رەسەنەکان دەبێت کە لە ڕێبەری سکۆلەرشیپدا هاتووە لەسەر ئاستی پرۆگرام و پرۆگرامەکانی خوێندن لە هەموو پارێزگاکان، یان دروستکردنی لقێک بۆ زانکۆیەکی بیانی تۆکمە کە لە ڕێبەری سکۆلەرشیپدا هاتووە و بەپێی ستانداردە پەسەندکراوەکان و مەرج و کۆنترۆڵەکانی وەزارەت،بەمەرجێک دوانەسازیی پێویست لەلایەن ئەو زانکۆیانەی کە داواکاری بۆ دروستکردن پێشکەش دەکەن جێبەجێ بکرێت بەپێی ئەو، لەماوەی دوو ساڵ زیاتر نەبێت، بەپێچەوانەوە وەرگرتنی ئەو کۆلێژە یان بەشە لەناو زانکۆکەدا کە بەدەستی نەهێنا ئەمەش ڕادەگیرێت.
ج ـ هەڵبژاردنی پلە و پسپۆڕییەکان بۆ زانکۆ حکومی و ئەهلیەکان بەگوێرەی دیدگای وەزارەتی خوێندنی باڵا و پلاندانان دەبێت.
د ـ وەزارەتەکان و سەرجەم لایەنە پەیوەندیدارەکان بەرپرسیارن لە دابینکردنی زەوی و تەرخانکردنی پێویست بۆ زانکۆ حکومییەکان.
2ـ بەپشتبەستن بەو ڕێوشوێنانەی کە بڕیارە لەلایەن وەزارەتی خوێندنی باڵا و توێژینەوەی زانستی لەڕێگەی لیژنەی باڵای وەزاریەوە بگیرێتەبەر کە بەپێی فەرمانی وەزاری (536) لە 16ی ئایاری 2023 پێکهێنراوە، کە بەرپرسیارە لە سەرپەرشتیکردنی دروستکردنی زانکۆ و پەیمانگەی ئەهلی، و پێکهێنانی لیژنەکانی پشکنینی مەیدانی بۆ پشکنینی واقیعی دۆخی پێداویستییە ماددی و مرۆییەکان، و وردبینیکردن لە کۆنووسی لیژنەکان توانا و پەسەندکردن.
3ـ هەموارکردنەوەی یاسای فێرکردنی زانکۆی ئەهلی ژمارە (25)ی ساڵی 2016 بەمەبەستی کەمکردنەوەی خاڵە لاوازەکان و نەبوونی ڕوونی و سەریەککەوتن لە هەندێک لە ماددە و بڕگەکانیدا، لەوانەش پێناسەکردنی پەیوەندی لەگەڵ وەبەرهێنەر یان(خاوەنی زەوی و باڵەخانە و سەرچاوەکان) بەجۆرێک کە تەنها بۆ بەڕێوەبردنی لایەنی دارایی و ماددی بێت و دەستوەردان نەکات لە لایەنی زانستی و ئەکادیمی بە ڕەهایی، و دیاریکردنی بە ڕوونی، بە پێچەوانەوە وەرگرتن لە زانکۆ/کۆلێژ ڕادەگیرێت.
لە بەشێکی دیکەی بەیاننامەکەی نوسینگەی سەرۆک وەزیراندا هاتووە :- لەچوارچێوەی پاڵپشتی حکومەت بۆ هونەرمەندان و ڕۆشنبیران، ئەنجومەنی وەزیران بڕیاریدا بڕی ئەو پێشینە داراییەی کە دراوە بە هونەرمەندی شانۆکار دکتۆر (خالد ئەحمەد مستەفا) بەمەبەستی چارەسەرکردن لەدەرەوەی عێراق کە خەرجکراوە، لەلایەن وەزارەتی تەندروستیەوە بسڕێتەوە بە پشتبەستن بە یاسا کارپێکراوەکانی پەیوەندیدار.
هەروەک لەبەیاننامەکەی نوسینگەی سەرۆک وەزیران ئاماژەی بۆکراوە:- وەکو ڕێزلێنان بۆ وەرزشوانان و دەستکەوتەکانیان، ئەنجومەنی وەزیران ڕەزامەندی دەربڕی لەسەر بەخشینی (25) ئۆتۆمبێلی سالۆن (نیسان سەنی)مۆدێل 2023، لە وەزارەتی وەرزش و لاوان، بۆ ئەندامانی تیپی تۆپی پێی عێراقی، و پێنج ئۆتۆمبێلیش بۆ یەکێتی تۆپی پێ عێراقی، بەبۆنەی بەدەستهێنانی جامی (کەنداوە 25) بۆ تۆپی پێ، کە لە بەسرە بەڕێوەچوو، بەپێی یاساکانی کارپێکراو لە بڕگەکانی ڕێنمایی بۆ جێبەجێکردنی بودجەی گشتی فیدراڵی.
