لەپەیوەندیەکی تەلەفۆنی لەگەڵ ئیبراهیم ڕەئیسیدا ماکرۆن خواستی وڵاتەکەی بۆ پتەوکردنی هاوکاری لەگەڵ ئێران پشتڕاست دەکاتەوە
جیهانی
- 10-06-2023, 21:38
بەغداد/ INA
ئەمڕۆ شەممە"ئیمانوێل ماکرۆن" سەرۆکی فەرەنسا و "ئیبراهیم ڕەئیسی" سەرۆک کۆماری ئیسلامی ئێران ، پتەوکردنی پەیوەندییەکانیان کە پەیوەستن بە هەڵگرتنی گەمارۆکان و پێشهاتەکانی ناوچەکە و چۆنیەتی درێژەدان بە هاوکارییەکانیان تاوتوێکرد.
ئاژانسی هەواڵی نێودەوڵەتی تەسنیم لەزاری "محەمەد جەمشیدی" جێگری کاروباری سیاسی لە نووسینگەی سەرۆک کۆماری ئیسلامی ئێران رایگەیاندوە :-کە ئەمڕۆ "ئیمانوێل ماکرۆن "سەرۆکی فەرەنسا پەیوەندیەکی تەڵەفۆنی لەگەڵ سەرۆک کۆماری ئێران ئەنجامداوە ، بۆ ماوەی 90 خولەک وتووێژیان ئەنجامداوە ، هەر بەپێ قسەکانی "جەمشیدی " ماکرۆن تەئکیدی لەسەر پەیوەندی هاوکاری لەگەڵ کۆماری ئیسلامی ئێرانی کردۆتەوە .
ئاماژەی بەوەشداوە :- کە هەردوو سەرۆک کۆک بوون لەسەر پتەوکردنی پەیوەندییەکان، بەتایبەتی گفتوگۆکانی پەیوەست بە هەڵگرتنی سزاکان و پێشهاتەکانی ناوچەکە و چۆنیەتی بەردەوامبوون لە هاوکارییەکانی نێوانیان.
