سه‌رۆكى هه‌رێمى كوردستان پێشوازى له هه‌ڵسووڕێنه‌رى باڵيۆزخانه‌ی ئازه‌ربايجان دەکات
سیاسی
- 7-06-2023, 14:07
هەولێر/INA
ئەمڕۆ ڕۆژی چوارشەممە سه‌رۆكى هه‌رێمى كوردستان نێچیرڤان بارزانی، پێشوازى له هه‌ڵسووڕێنه‌رى باڵيۆزخانه‌ی ئازه‌ربايجان كرد.
نووسینگەی ڕاگەیاندنی سەرۆکی هەرێمی کوردستان لە بەیانامەیێک دا کە کۆپیەکی بۆ ئاژانسی هەواڵی عێراقی ناردووە ڕایگەیاندووە،ئه‌مڕۆ چوارشه‌ممه نێچيرڤان بارزانى، سه‌رۆكى هه‌رێمى كوردستان له ديدارێكدا له‌گه‌ڵ نه‌سير مه‌مه‌دۆف هه‌ڵسووڕێنه‌رى باڵيۆزخانه‌ى ئازه‌ربايجان له عێراق، ده‌رباره‌ى بره‌ودان به په‌يوه‌ندييه‌كانى عێراق و هه‌رێمى كوردستان له‌گه‌ڵ ئازه‌ربايجان، بيروڕاى گۆڕييه‌وه.
هه‌ردوولا هاوڕا بوون كه زه‌مينه و ده‌رفه‌تى باش هه‌ن بۆ بره‌ودان به په‌يوه‌ندييه‌كان به‌تايبه‌تى له بوارى ئابوورى، بازرگانى و گه‌شتياريدا. له‌مباره‌يه‌وه باس له ده‌ستپێكردنى پرۆسه‌ى كردنه‌وه‌ى كونسولخانه‌ى ئازه‌ربايجان له هه‌رێمى كوردستان و ڕێكاری پێویست كرا كه پێشتر له كۆبوونه‌وه‌ى به‌ڕێزان سه‌رۆكى هه‌رێمى كوردستان و سه‌رۆكى ئازەربايجان له ميونشن بڕيارى لێ درابوو.
سه‌ردانه چاوه‌ڕوانكراوه‌كه‌ى به‌ڕێز سه‌رۆكى هه‌رێمى كوردستان بۆ باكۆ له‌سه‌ر بانگهێشتى فه‌رميى به‌ڕێز سه‌رۆكى ئازه‌ربايجان، دۆخى ناوچه‌كه به‌گشتى و چه‌ند پرسێكى جێى بايه‌خى هاوبه‌ش، ته‌وه‌رێكى ديكه‌ى ديداره‌كه بوون.
