وەزیری بازرگانی دابینكردنی كۆگای كەلوپەلەكانی سەبەتەی خۆراك بۆ كردنەوەی فرۆشگای بازاڕكردن لە پارێزگاكان راگەیاند

ناوخۆ

1-06-2023, 20:24

+A -A

بەغداد - INA

وەزیری بازرگانی ئەسیر داود غرێری، ئەمڕۆ پێنجشەممە، دابینكردنی كۆگای كەلوپەلەكانی سەبەتەی خۆراك بە مەبەستی كردنەوەی فرۆشگای بازاڕكردن لە بەغداد و پارێزگاكان راگەیاند.

غرێری بە ئاژانسی هەواڵی عێراقی ڕاگەیاند: فرۆشگاكانی بازاڕكردن بەشداریان كرد لە هاوسەنگكردن و كەمكردنەوەی نرخەكان، جەختیشیكردەوە: كە وەزارەت كۆگای كەلوپەلەكانی سەبەتەی خۆراكی هەیە.

ئاماژەی بەوەشكرد: وەزارەتی بازرگانی پلان و بەرنامەی هەیە بە چەند ئاراستەیەك بۆ باشتركردنی ئەدای كاركردن و پێشكەشكردنی خزمەتگوزاری، لەگەڵ چالاككردنی كاری لیژنەكان و سیاسەتی بازرگانی و پاڵپشتیكردنی كەرتی تایبەت و ئەنجامدانی پێشانگا و جێبەجێكردنی ئەوەی لە بەرنامەی حكومەتدا هاتووە.

راشیگەیاند: وەزارەتەكەی بەشی پێنجەمی كەلوپەلەكانی سەبەتەی خۆراك و بەشی چوارەمی ئاردی خستۆتە بازاڕەوە، لەگەڵ كردنەوەی شوێنی نوێی بازاڕكردن لە ژمارەیەك لقی كۆمپانیای خۆراك لە پارێزگاكان بۆ فرۆشتنی خۆراك بە نرخی داشكاندراو و كێبڕكێكار.