وەرزی بەبازاڕكردنی گەنم .. بازرگانی بەرزترین بەرهەمی پارێزگاكان دیاری دەكات
ئابوری
- 1-06-2023, 17:45
بەغداد - INA
كۆمپانیای گشتی دانەوێڵە سەر بە وەزارەتی بازرگانی، ئەمڕۆ پێنجشەممە، ڕایگەیاند: بەرهەمی گەنم لە وەرزی بازاڕكردنی ئێستادا دوو ملیۆن تۆنی تێپەڕاندووە، هاوكات ئەو پارێزگایانەی دیاریكرد كە زۆرترین بەرهەمیان هەبووە.
بەڕێوەبەری كۆمپانیای گشتی بۆ بازرگانی دانەوێڵە حەیدەر نوری كرعاوی بە ئاژانسی هەواڵی عێراقی ڕاگەیاند: بەرهەمهێنان لە سەرتاسەری عێراقدا دوو ملیۆن تۆنی تێپەڕاند، واست زۆرترین بەرهەمی هەبووە تا ئێستا بە 430 هەزار و بەسرە كەمترین بەرهەمی هەبووە.
ئاماژەی بەوەشكرد: سەرجەم پارێزگاكان چوونەتە وەرزی بازاڕكردن بە پارێزگاكانی هەرێمیشەوە، وەرزی لوتكەی ئێستای بەرهەمهێنانی گەنمیش لە پارێزگاكانی كەركوك و سەڵاحەدین و نەینەوادایە.
