عامری و كلدانی تاوتوێی پێشهاتە سیاسییەكان دەكەن
سیاسی
- 31-05-2023, 18:14
بەغداد - INA
سەرۆكی هاوپەیمانی فەتح هادی عامری و سەرۆكی بزوتنەوەی بابلیۆن ڕەیان كلدانی، ئەمڕۆ چوارشەممە، پێشهاتەكانی بارودۆخی سیاسی و ناوخۆییان تاوتوێ كرد.
نوسینگەی ڕاگەیاندنی سەرۆكی هاوپەیمانی فەتج لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: ئەمڕۆ عامری لە ئۆفیسەكەی خۆی پێشوازی لە بەرپرسی بزووتنەوەی بابلیۆن ڕەیان كلدانی و شاندی یاوەری كرد، و لە دیدارێكدا پێشهاتەكانی بارودۆخی سیاسی و ناوخۆیی تاوتوێكران.
ئاماژەی بەوەشكرد: دیدارەكە بریتی بوو لە گفتوگۆكردن لەسەر فایلە نیشتمانییەكان و جەختكردنەوە لەسەر گرنگی پەیوەندی نێوان هێزە سیاسییەكان و بەهێزكردنی لێكتێگەیشتن و پاڵنانی بەرەو بەدەستهێنانی بەرژەوەندی گەلی عێراق بە هەموو پێكهاتە و مەزهەبەكانیەوە.
