ئاوەدانكردنەوە: هەوڵی بەردەوام هەیە بۆ دروستكردنی هێڵی دووەمی ڕێگای (بەدریە- باعزرا) لە نەینەوا
ناوخۆ
- 29-05-2023, 22:08
بەغدا - INA
ئەمڕۆ دووشەممە وەزارەتی بیناسازی و نیشتەجێكردن و شارەوانی و كارە گشتیەكان دووپاتیكردەوە كە هەوڵەكان بەردەوامن لەگەڵ پڕۆژەی دروستكردنی هێڵی دووەمی ڕێگای (بەدریە-باعزرا) لە نەینەوا.
لە ڕاگەیەندراوێكی وەزارەتی ئاوەدانكردنەوە و نیشتەجێكردندا كە بە ئاژانسی هەواڵی عێراقی (INA) گەیشتووە و تێیدا هاتووە : وەزارەتەكە بە سەرپەرشتی بەشی ڕێگاوبان و پردەكان بەردەوامە لە كاركردن لەسەر پرۆژەی دامەزراندنی هێڵی دووەمی ( ڕێگای بەدریە-باعزرا)، بە درێژی (21) كم.
لە ڕاگەیەندراوەكەدا ئاماژە بەوەشكراوە : ئەو ڕێگایە یەكێكە لە ڕێگا گرنگ و ستراتیژییەكان، بەو پێیەی شاری موسڵ بە قەزاكانی پارێزگاكە دەبەستێتەوە، ئەمەش بەشدارە لە هاتوچۆی ئۆتۆمبێلەكان و كەمكردنەوەی ڕووداوەكانی هاتوچۆ.
ناوبراو لە درێژەی قسەكانیدا وتی : پڕۆژەكە بریتییە لە دروستكردنی هێڵی دووەمی نوێ بۆ ئەو ڕێگایەی كە بەدریە بە باعزرا دەبەستێتەوە لە چوارچێوەی پارێزگاكەدا، لەگەڵ كارەكانی نۆژەنكردنەوەی ڕێگا كۆنەكە ،كەلوپەلەكان، پلاندانان، دانانی سیاجەكانی پارێزەر، و كارەكانی ڕووپۆشكردن بە قیر كە بە پۆلیمر چارەسەر كراوە
