عێراق و مەغریب ئاسۆی هاوكاریی دادوەری نێوان هەردوو وڵات تاوتوێ دەكەن
جیهانی
- 25-05-2023, 18:44
بەغداد - INA
دادوەر فایق زێدان سەرۆكی ئەنجومەنی باڵای دادوەری، لەگەڵ محەمەد عەبدولنەباوی، سەرۆكی بەرێوەبەردنی ئەنجومەنی باڵای دەسەڵاتی دادوەری لە مەغریب، ئاسۆی هاوكاری دادوەری نێوان هەردوو وڵاتی برایان تاوتوێ كرد.
راگەیاندنی ئەنجومەنی باڵای دادوەری لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: سەرۆكی ئەنجومەنی باڵای دادوەری، دادوەر فایق زێدان بە یاوەری شاندی هاوڕێی، لە میانەی سەردانەكەیدا بۆ بارەگای ئەنجومەنی باڵای دادوەری لە مەغریب لە ریباتی پایتەختی ئەو وڵاتە، لەگەڵ محەمەد عەبدولنەباوی، سەرۆكی بەرێوەبردنی ئەنجومەنی باڵای دەسەڵاتی دادوەری لە مەغریب كۆبووەوە.
لە بەیاننامەكەدا ئاماژە بەوەشكراوە: سەرۆكی ئەنجومەنی باڵای دادوەری گوێی لە ڕوونكردنەوەیەكی كورت بوو سەبارەت بە سروشتی سیستەمی دادوەری لە مەغریب، هەروەها هەردوولا ئاسۆكانی هاوكاری دادوەری نێوان هەردوو وڵاتی برایان تاوتوێ كرد.
