كار هەڵمەتی دەركردنی كارتی زیرەك بۆ ئەو خێزانانەی كە چاودێری كۆمەڵایەتی دەیانگرێتەوە
ناوخۆ
- 21-05-2023, 16:13
بەغدا - INA
ئەمڕۆ یەكشەممە وەزارەتی كار و كاروباری كۆمەڵایەتی دەستپێكردنی هەڵمەتی دەركردنی كارتی زیرەكی بۆ ئەو كەسانەی كە یارمەتی پاراستنی كۆمەڵایەتی دەیانگرێتەوە ڕاگەیاند.
لە ڕاگەیەندراوێكی وەزارەتەكەدا كە بە ئاژانسی هەواڵی عێراقی (INA) گەیشتووە و تێیدا هاتووە : دەستەی پاراستنی كۆمەڵایەتی لە وەزارەت لە ڕێگەی لق و دەستەكانییەوە لە بەغدا و پارێزگاكان دەستی بە كارەكانی كردووە، لە ڕێگەی دەركردنی كارتی زیرەك (كیكارد) بۆ ئەو هاووڵاتیانەی داواكاری دەكەن بۆ ئەوەی لە یەكەم ژەمدا لە پاراستنی كۆمەڵایەتیدا جێگیر بكرێت.
لە ڕاگەیەندراوەكەدا ئاماژە بەوە كراوە : لقەكانی دەستەكە لە كاتژمێرەكانی سەرەتای بەیانییەوە كارەكانیان كۆكردۆتەوە بۆ وەرگرتنی ئەو هاوڵاتیانەی كە ژەمی یەكەم دەیگرێتەوە و بەپێی ئەو بەروارانەی پێداچوونەوە كە لە خشتەكاندا دیاریكراون بۆ ئەوەی كارتی (كیكارد) یان بۆ دەربكەن دوای هێنانی هەموو بەڵگەنامە پشتگیرییەكان و فۆتۆكۆپی و ئەسڵی.
ئاماژەی بەوەشكرد : بەڕێوەبەرایەتییەكانی پاراستنی كۆمەڵایەتی بەردەوام دەبن لە پێدانی كارت بۆ هەموو ئەو هاوڵاتیانەی كە ناویان دەركەوتووە تەنانەت دوای دەوامی فەرمی و تا تەواوبوونی سەرجەم مامەڵەكانی هاوڵاتیان.
