بازرگانی: هەڵمەتی بەبازاڕكردنی گەنم گەیشتوەتە قۆناغی لوتكە

ئابوری

18-05-2023, 20:58

+A -A

بەغداد - INA

وەزارەتی بازرگانی ئەمڕۆ پێنجشەممە، ڕایگەیاند: هەڵمەتی بەبازاڕكردنی بەروبوومی گەنم گەیشتوەتە قۆناغی لوتكە، لەكاتێكدا پێشبینی دەكات بۆ ئەمساڵ 4 ملیۆن تۆن بەرهەمبێت.

وتەبێژی وەزارەتی بازرگانی محەمەد حەنون، بە ئاژانسی هەواڵی عێراقی ڕاگەیاند: هەڵمەتی بەبازاڕكردن لە پارێزگاكانی موسەننا، واست، میسان، كەربەلای پیرۆز، زەیقار، نەجەفی ئەشرەف، دیوانیە، سەڵاحەدین، ئەنبار بەردەوامە و دواتر كەركوك و بەشێك لە ناوچەكانی هەرێم دەچنە پاڵ ئەو هەڵمەتە بەبازاڕكردنە.

وتیشی: گرنگترین تایبەتمەندی ئەمساڵ، خەرجكردنی پارەی جووتیارانە بە تەواوی لە ماوەی 48 كاتژمێردا.

حەنون پێشبینی دەكات، كە بەرهەمهێنانی وەرزی بازاڕكردن بۆ ئەمساڵ بگاتە زیاتر لە 4 ملیۆن تۆن بەرهەمی گەنم، وتیشی: ئەم بڕانە بەشێكی زۆر لە پێداویستییەكانی بەشەخۆراك پڕدەكاتەوە.