حەلبوسی لەگەڵ شاندێكی كۆریا باس لە چالاككردنی لیژنەكانی دۆستایەتی و هاوكاری لەگەڵ عێراق دەكات

سیاسی

18-05-2023, 20:00

+A -A

بەغداد - INA

سەرۆكی ئەنجومەنی نوێنەران محەمەد حەلبوسی ، ئەمرۆ پێنجشەممە، لەگەڵ شاندێكی كۆریا باسی لە چالاككردنی لیژنەكانی دۆستایەتی و هاوكاری لەگەڵ عێراق كرد.

نوسینگەی ڕاگەیاندنی سەرۆكی ئەنجومەنی نوێنەران لە بەیاننامەیەكدا كە بۆ ئاژانسی هەواڵی عێراقی ناردووە، رایگەیاند: محەمەد حەلبوسی سەرۆكی ئەنجومەنی نوێنەران، ئەمرۆ پێنجشەممە پێشوازی كرد لە شاندێكی كۆمەڵەی هاورێیەتی پەرلەمانی عێراقی كۆری، بە سەرۆكایەتی هان بیونگ دو.

بەیاننامەكە ئاماژەی بۆ ئەوەشكردووە: لە دیدارەكە تاوتوێی پەیوەندی دۆستانەی نێوان هەردوو وڵات و كاراكردنی لیژنەكانی هاورێیەتی و هاریكاری نێوان پەرلەمانی عێراق و كۆریا كرا، لەگەڵ هاریكاری لە چەند بوارێكدا لە نێویاندا ئابوری و وەبەرهێنان و نەهێشتنی بەربەستی بەردەم ئەو پرۆژانەی گەشەپێدان و بەرژەوەندی هەردوو وڵات بەدیدێنن.

لە بەیاننامەكەدا هاتووە، هەر لە دیدارەكە تاوتوێی چەند پرسێكی جێی بایەخی هاوبەش كرا.