وەزیری ناوخۆ لەگەڵ باڵیۆزەكانی چین و سوریا گفتوگۆ دەکات سەبارەت بە پتەوكردنی پەیوەندییەكان
ئەمنی
- 13-05-2023, 14:14
بەغدا - INA
ئەمڕۆ شەممە عەبدولئەمیر شمری وەزیری ناوخۆ لەگەڵ یاڵوێزی كۆماری چین وسوریا لە عێراق و پتەوكردنی پەیوەندییەكان و هاوكاری تاوتوێ كرد.
لە ڕاگەیەندراوێكی وەزارەتی ناوخۆ، كە بۆ ئاژانسی هەواڵی عێراقی (INA) ناردووە و تێیدا هاتووە : عەبدولئەمیر شمری وەزیری ناوخۆ لەگەڵ باڵیۆزی كۆماری گەلی چین لە عێراق كۆبووەوە، كە تیایدا ئەو دوو لایەنەكان كۆمەڵێك پرسی بەرژەوەندی هاوبەشیان تاوتوێ كرد، كە پەیوەندییان بە گرنگی بەهێزكردنی پەیوەندییە دووقۆڵییەكانی نێوان هەردوو وڵاتەوە هەبووە.
وەزیری ناوخۆ دووپاتی كردەوە بەرژەوەندییەكی زۆر لەلایەن دەزگا لێهاتووەكانەوە لە وەزارەتی ناوخۆدا هەیە بۆ دابینكردنی ژینگەی گونجاو بۆ كاری كۆمپانیا چینییەكان لە عێراق بەتایبەت ئەوانەی نەوتن.
لای خۆیەوە باڵیۆزی چین ستایشی گەلی عێراق و ئەو پەیوەندییانەی عێراق بە چینەوە دەبەستێتەوە بەرز نرخاند، پێشكەوتنە گەورەكەی لەسەر ئاستی ئەمنی و ئاسانكاری بۆ چوونە ژوورەوە و دەرچوونی چینییەكان كە لە كۆمپانیاكان و شوێنەكانی دیكەی ناوخۆی عێراق كاردەكەن بەرز نرخاند.
لەلایەكی دیكەوە لە بەیاننامەكەدا ئاماژە بەوە كراوە كە وەزیری ناوخۆ عەبدولئەمیر شمری هەروەها لە نووسینگەی خۆی لەگەڵ باڵیۆزی سوریا لە عێراق كۆبووەتەوە و هەردوولاش كۆمەڵێك بابەتیان تاوتوێ كردووە كە جێگەی بایەخی هەردوولایە، لە پێش هەموو شتێكەوە كە بریتییە لە هەماهەنگی و هاوكاری هاوبەشی نێوان هەردوو وڵات.
لە میانی دیدارەكەدا وەزیر ستایشی پەیوەندی نزیكی عێراق و سوریای كرد.
لای خۆیەوە باڵیۆزی سوریا سوپاس و پێزانینی خۆی بۆ وەزیری ناوخۆ دەربڕی بۆ بەرژەوەندییە گەورەكەی بۆ پەرەپێدانی پەیوەندییە دووقۆڵییەكان و پتەوكردنی هاوكارییەكان.
